Hversu írskur er Gunnar Nelson? | Myndband

Írar elska Gunnar Nelson og tala um hann sem ættleiddan son þjóðarinnar enda hefur hann alið manninn mikið þar í landi.

Gunnar verður aðalstjarnan á UFC-kvöldi í Belfast í nóvember þar sem má búast við því að hann fái mikinn stuðning.

Okkar maður er búinn að vera í Belfast í vikunni að auglýsa bardagakvöldið og farið í fjölda viðtala. Miðasala hófst í vikunni og opnaði fyrir almenning í dag. Fastlega má búast við því að það verði fljótt uppselt.

UFC lagði fyrir hann skemmtilegar spurningar þar sem reynt var að komast að því hversu írskur Gunnar sé í raun og veru.

Afraksturinn má sjá í þessu skemmtilega myndbandi hér að neðan.