Leik Breiðabliks og ÍBV frestað

Leik Breiðabliks og ÍBV í 15. umferðar Pepsi-deildar kvenna hefur verið frestað þar sem að samgöngur gengu illa frá Vestmannaeyjum.

Leikurinn átti að fara fram klukkan 17.30 í kvöld en fer fram á sama tíma á morgun.

Fjórir aðrir leikir fara fram í dag en viðureign FH og Selfoss verður í beinni útsendingu á Stöð 2 Sport.

Ákveðið hefur verið að sýna leik Breiðabliks og ÍBV á Stöð 2 Sport á morgun en vegna frestunarinnar færast Pepsimörk kvenna aftur um einn dag og verða nú á dagskrá á fimmtudagskvöldið.