Saksóknari harðorður: „Enn stærri skellur fyrir þjóðfélagið“ Sunna Kristín Hilmarsdóttir skrifar 9. september 2016 09:52 Björn Þorvaldssons hjá héraðssaksókanra flytur málið fyrir hönd embættisins. Hér er hann að gera allt klárt í Hæstarétti í morgun. Vísir/GVA Björn Þorvaldsson saksóknari í markaðsmisnotkunarmáli Kaupþings fer fram á að allir ákærðu verði sakfelldir í málinu og að þeir sem sakfelldir voru í Héraðsdómi Reykjavíkur hljóti þyngri refsingu í Hæstarétti. Þá krefst hann þess að Hæstiréttur taki til efnismeðferðar þá ákæruliðum á hendur Magnúsi Guðmundssyni sem vísað var frá í héraði þegar dómur var kveðinn upp þar síðastliðið sumar.Þetta kom fram í máli Björns í morgun þegar málflutningur í einhverju umfangsmesta efnahagsbrotamáli Íslandssögunnar hófst í Hæstarétti. Alls eru níu manns ákærðir í málinu, þar á meðal æðstu stjórnendur Kaupþings fyrir hrun, þeir Hreiðar Már Sigurðsson, fyrrverandi forstjóri bankans, Sigurður Einarsson, fyrrverandi stjórnarformaður, og Ingólfur Helgason, sem var forstjóri Kaupþings á Íslandi. Þremenningarnir hlutu alla óskilorðsbundna dóma í héraði en þeir voru ákærðir fyrir stórfellda markaðsmisnotkun og umboðssvik vegna viðskipta með hlutabréf í Kaupþingi á tímabilinu nóvember 2007 til október 2008. Að mati ákæruvaldsins miðuðu viðskiptin að því að halda hlutabréfaverði í Kaupþingi stöðugu. Af því hafi ákærðu haft augljósan hag, meðal annars vegna kaupréttar og bónusa stjórnenda bankans.Ósammála Hreiðari um kröfu um aðgang Björn byrjaði á að reifa hvers vegna taka ætti mál Magnúsar til efnismeðferðar. Byggir héraðsdómur á því að Fjármálaeftirlitið hafi ekki kært brot Magnúsar til lögreglu. Sagði Björn það einkennilega stöðu ef lögregla gæti ekki rannsakað og svo ákært fyrir brot nema senda þau fyrst til FME, og sagði ekki sömu lög og reglur um það eftirlit eins og til að mynda Samkeppniseftirlitið. Saksóknari hafnaði jafnframt þeim röksemdum sem Hreiðar Már setur fram í greinargerð sinni en hann fer fram á ómerkingu málsins og frávísun, meðal annars vegna þess að hann telur sig ekki hafa fengið aðgang að öllum gögnum málsins og þá hafi verið hlustað á símtöl hans við verjanda sinn hjá rannsakendum málsins. „Hann telur sig eiga rétt á aðgangi að tækjabúnaði lögreglu en því er ákæruvaldið ósammála. Þá það að símtöl við verjanda hafi verið hlustuð þá er það röng fullyrðing. Það var þvert á móti brýnt fyrir rannsakendum að hætta strax hlustun þegar ljóst var að sakborningar ræddu við verjendur sína. Þau voru því ekki hlustuð en vissulega voru þau tekin upp,” sagði Björn. Þá sagði hann það rétt hjá Hreiðari Má að fjórum símtölum hans við verjanda sinn hafi ekki verið eytt eins og skylt er. Þetta hafi hins vegar legið fyrir þegar Al Thani-málið var tekið fyrir í Hæstarétti og vísaði Björn í þann dóm þegar hann sagði að frávísunarkrafa á þessum grundvelli hefði ekki verið tekin til greina í því máli.Vill að refsiramminn verði fullnýttur Um málsatvik sagði Björn meðal annars að meint markaðsmisnotkun ákærðu hafi falið í sér „langvarandi, stórfellda og ólögmæta íhlutun á verðbréfamarkaðnum.“ Þannig hafi hlutabréf í Kaupþingi ekki lotið markaðslögmálum þar sem meint markaðsmisnotkun hafi miðað að því að halda verðinu á hlutabréfum í Kaupþingi stöðugum. Meint háttsemi ákærðu hefði orðið til þess að það varð „enn stærri skellur fyrir þjóðfélagið í heild sinni þegar spilaborgin hrundi eins og hún hlaut að gera,” sagði Björn. Þá sagði hann jafnframt að brotin væru fordæmalaus bæði að stærð og umfangi. Í því ljósi gerði saksóknari þá kröfu að Hæstiréttur myndi nýta heimild í hegningarlögum til að fullnýta refsirammann fyrir þá Hreiðar, Sigurð, Magnús og Ingólf Helgason og benti á heimild til að þyngja refsingu eftir því sem við á en við meintum brotum þeirra liggur allt að sex ára fangelsi. Sé heimild til refsiþyngingar þó fullnýtt má dæma menn í allt að níu ára fangelsi. Markaðsmisnotkun Kaupþings Tengdar fréttir Allir sakborningar í markaðsmisnotkunarmáli Kaupþings mættir í Hæstarétt Alls eru níu manns ákærðir í málinu, ýmist fyrir markaðsmisnotkun og/eða umboðssvik á tímabilinu 1. nóvember til 8. október 2008. 9. september 2016 08:35 Mest lesið „Ég hef þó aldrei kunnað vel við titilinn framkvæmdastjóri“ Atvinnulíf 118 ára sögu Hans Petersen að ljúka Viðskipti innlent Fjórar týpur af yfirmönnum sem eru sjálfir að drukkna í vinnu Atvinnulíf Boða tæp 10% þjóðarinnar á hluthafafund Viðskipti innlent Löng röð myndaðist í Lágmúlanum á miðnætti Viðskipti innlent Keypti hús við Sóleyjargötu af borginni á 310 milljónir Viðskipti innlent Klara á Kanarí: „Fólk kom með ferðatöskur af saltfiski og seldi“ Atvinnulíf Miðeind festir kaup á Snöru Viðskipti innlent Topplúgan kom á óvart á annars praktískum ferðatrukk Samstarf Minni þorskafli kosti fleiri milljarða Viðskipti innlent Fleiri fréttir 118 ára sögu Hans Petersen að ljúka Boða tæp 10% þjóðarinnar á hluthafafund Miðeind festir kaup á Snöru Keypti hús við Sóleyjargötu af borginni á 310 milljónir Minni þorskafli kosti fleiri milljarða Verður nýr yfirlögfræðingur SFF Ráðin forstöðumaður hjá Eimskip Reon ræður inn hönnunarstjóra frá Spotify Kjarasamningar Play og ÍFF í höfn Greiddu 865 milljónir fyrir Herkastalann Löng röð myndaðist í Lágmúlanum á miðnætti Hrefna stýrir Attentus SFF hafna ásökunum bifreiðaeigenda „Klárlega“ breytingar í ytra umhverfi sem ÁTVR þurfi að laga sig að Vilborg Arna og Auðbjörg til liðs við FranklinCovey Þorgerður skipuð forstjóri ÁTVR „Ég veit ekki alveg hvað er að fara að gerast“ Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Sjá meira
Björn Þorvaldsson saksóknari í markaðsmisnotkunarmáli Kaupþings fer fram á að allir ákærðu verði sakfelldir í málinu og að þeir sem sakfelldir voru í Héraðsdómi Reykjavíkur hljóti þyngri refsingu í Hæstarétti. Þá krefst hann þess að Hæstiréttur taki til efnismeðferðar þá ákæruliðum á hendur Magnúsi Guðmundssyni sem vísað var frá í héraði þegar dómur var kveðinn upp þar síðastliðið sumar.Þetta kom fram í máli Björns í morgun þegar málflutningur í einhverju umfangsmesta efnahagsbrotamáli Íslandssögunnar hófst í Hæstarétti. Alls eru níu manns ákærðir í málinu, þar á meðal æðstu stjórnendur Kaupþings fyrir hrun, þeir Hreiðar Már Sigurðsson, fyrrverandi forstjóri bankans, Sigurður Einarsson, fyrrverandi stjórnarformaður, og Ingólfur Helgason, sem var forstjóri Kaupþings á Íslandi. Þremenningarnir hlutu alla óskilorðsbundna dóma í héraði en þeir voru ákærðir fyrir stórfellda markaðsmisnotkun og umboðssvik vegna viðskipta með hlutabréf í Kaupþingi á tímabilinu nóvember 2007 til október 2008. Að mati ákæruvaldsins miðuðu viðskiptin að því að halda hlutabréfaverði í Kaupþingi stöðugu. Af því hafi ákærðu haft augljósan hag, meðal annars vegna kaupréttar og bónusa stjórnenda bankans.Ósammála Hreiðari um kröfu um aðgang Björn byrjaði á að reifa hvers vegna taka ætti mál Magnúsar til efnismeðferðar. Byggir héraðsdómur á því að Fjármálaeftirlitið hafi ekki kært brot Magnúsar til lögreglu. Sagði Björn það einkennilega stöðu ef lögregla gæti ekki rannsakað og svo ákært fyrir brot nema senda þau fyrst til FME, og sagði ekki sömu lög og reglur um það eftirlit eins og til að mynda Samkeppniseftirlitið. Saksóknari hafnaði jafnframt þeim röksemdum sem Hreiðar Már setur fram í greinargerð sinni en hann fer fram á ómerkingu málsins og frávísun, meðal annars vegna þess að hann telur sig ekki hafa fengið aðgang að öllum gögnum málsins og þá hafi verið hlustað á símtöl hans við verjanda sinn hjá rannsakendum málsins. „Hann telur sig eiga rétt á aðgangi að tækjabúnaði lögreglu en því er ákæruvaldið ósammála. Þá það að símtöl við verjanda hafi verið hlustuð þá er það röng fullyrðing. Það var þvert á móti brýnt fyrir rannsakendum að hætta strax hlustun þegar ljóst var að sakborningar ræddu við verjendur sína. Þau voru því ekki hlustuð en vissulega voru þau tekin upp,” sagði Björn. Þá sagði hann það rétt hjá Hreiðari Má að fjórum símtölum hans við verjanda sinn hafi ekki verið eytt eins og skylt er. Þetta hafi hins vegar legið fyrir þegar Al Thani-málið var tekið fyrir í Hæstarétti og vísaði Björn í þann dóm þegar hann sagði að frávísunarkrafa á þessum grundvelli hefði ekki verið tekin til greina í því máli.Vill að refsiramminn verði fullnýttur Um málsatvik sagði Björn meðal annars að meint markaðsmisnotkun ákærðu hafi falið í sér „langvarandi, stórfellda og ólögmæta íhlutun á verðbréfamarkaðnum.“ Þannig hafi hlutabréf í Kaupþingi ekki lotið markaðslögmálum þar sem meint markaðsmisnotkun hafi miðað að því að halda verðinu á hlutabréfum í Kaupþingi stöðugum. Meint háttsemi ákærðu hefði orðið til þess að það varð „enn stærri skellur fyrir þjóðfélagið í heild sinni þegar spilaborgin hrundi eins og hún hlaut að gera,” sagði Björn. Þá sagði hann jafnframt að brotin væru fordæmalaus bæði að stærð og umfangi. Í því ljósi gerði saksóknari þá kröfu að Hæstiréttur myndi nýta heimild í hegningarlögum til að fullnýta refsirammann fyrir þá Hreiðar, Sigurð, Magnús og Ingólf Helgason og benti á heimild til að þyngja refsingu eftir því sem við á en við meintum brotum þeirra liggur allt að sex ára fangelsi. Sé heimild til refsiþyngingar þó fullnýtt má dæma menn í allt að níu ára fangelsi.
Markaðsmisnotkun Kaupþings Tengdar fréttir Allir sakborningar í markaðsmisnotkunarmáli Kaupþings mættir í Hæstarétt Alls eru níu manns ákærðir í málinu, ýmist fyrir markaðsmisnotkun og/eða umboðssvik á tímabilinu 1. nóvember til 8. október 2008. 9. september 2016 08:35 Mest lesið „Ég hef þó aldrei kunnað vel við titilinn framkvæmdastjóri“ Atvinnulíf 118 ára sögu Hans Petersen að ljúka Viðskipti innlent Fjórar týpur af yfirmönnum sem eru sjálfir að drukkna í vinnu Atvinnulíf Boða tæp 10% þjóðarinnar á hluthafafund Viðskipti innlent Löng röð myndaðist í Lágmúlanum á miðnætti Viðskipti innlent Keypti hús við Sóleyjargötu af borginni á 310 milljónir Viðskipti innlent Klara á Kanarí: „Fólk kom með ferðatöskur af saltfiski og seldi“ Atvinnulíf Miðeind festir kaup á Snöru Viðskipti innlent Topplúgan kom á óvart á annars praktískum ferðatrukk Samstarf Minni þorskafli kosti fleiri milljarða Viðskipti innlent Fleiri fréttir 118 ára sögu Hans Petersen að ljúka Boða tæp 10% þjóðarinnar á hluthafafund Miðeind festir kaup á Snöru Keypti hús við Sóleyjargötu af borginni á 310 milljónir Minni þorskafli kosti fleiri milljarða Verður nýr yfirlögfræðingur SFF Ráðin forstöðumaður hjá Eimskip Reon ræður inn hönnunarstjóra frá Spotify Kjarasamningar Play og ÍFF í höfn Greiddu 865 milljónir fyrir Herkastalann Löng röð myndaðist í Lágmúlanum á miðnætti Hrefna stýrir Attentus SFF hafna ásökunum bifreiðaeigenda „Klárlega“ breytingar í ytra umhverfi sem ÁTVR þurfi að laga sig að Vilborg Arna og Auðbjörg til liðs við FranklinCovey Þorgerður skipuð forstjóri ÁTVR „Ég veit ekki alveg hvað er að fara að gerast“ Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Sjá meira
Allir sakborningar í markaðsmisnotkunarmáli Kaupþings mættir í Hæstarétt Alls eru níu manns ákærðir í málinu, ýmist fyrir markaðsmisnotkun og/eða umboðssvik á tímabilinu 1. nóvember til 8. október 2008. 9. september 2016 08:35