"Ég vil ekki hylja mig lengur“

Ritstjórn skrifar 30. ágúst 2016 10:30

Söngkonan Alicia Keys vakti athygli á rauða dreglinum á MTV hátíðinni um helgina fyrir þær sakir að hún var alveg ómáluð, annað er aðrir gestir hátíðarinnar. Er það viljandi hjá Keys sem fyrir stuttu skrifaði öflugan pistil á Lenny Letter þar sem hún útskýrir hvers vegna hún er hætt að nota förðunarvörur á opinberlega.

„Ég vil ekki hylja mig lengur. Ekki andlitið mitt, hausinn, sálina, hugsanir, drauma, vonir og þrár. Ekkert,“ segir söngkonan meðal annars í pistlinum þar sem hún segist vera orðin þreytt á að reyna sífellt að passa inn í hin hefðbundu fegurðarform. Hún hefur áhyggjur að fullkomunaráráttu ungra stúlkna, sem hylja á sér andlitið með förðunarvörum til að reyna að vera fullkomnar og vill vera þeim góð fyrirmynd með þessari ákvörðun sinni.

Skiptar skoðanir voru á þessari ákvörðun Keys meðal Twitter notenda um helgina þó flestir tóku ofan af fyrir söngkonunni. Hún birti gangrýnendum sínum svar á Twitter sem má sjá hér að neðan.

Að lokum er vert að taka fram að það er í raun fáranlegt að árið sé 2016 og það sé ennþá fréttnæmt að söngkona mætir ómáluð á svið, ákvörðun Keys sýndi það að við eigum ennþá langt í land þar sem fréttir af Keys fylltu dægurmiðla eftir VMA-hátíðina. Fylgjum fordæmi Keys. Þó að sumum finnist gaman að mála sig er það langt í frá nauðsynlegt. Áfram Alicia og takk fyrir að vekja athygli á þessu.