Sjáðu Bjarka klára andstæðing sinn á 23 sekúndum

Mjölnismaðurinn Bjarki Þór Pálsson keppti sinn fyrsta atvinnumannabardaga um síðustu helgi og byrjaði feril sinn sem atvinnumaður með látum.

Bjarki mætti þá Adam Szczepaniak en hann átti upprunlega ekki að vera andstæðingur Bjarka sem fékk að vita af nýjum andstæðingu með hálftíma fyrirvara.

Það truflaði okkar mann þó ekki mikið því hann kláraði andstæðing sinn á stuttum 23 sekúndum.

Bjarki varð Evrópumeistari áhugamanna í MMA seint á síðasta ári og verður áhugavert að fylgjast með framgangi hans á næstu misserum.

Bardagann má sjá hér að ofan.