Erlent

Trump staðfestir að Mike Pence verður varaforsetaefni

Samúel Karl Ólason skrifar
Mike Pence.
Mike Pence. Vísir/EPA
Donald Trump, verðandi forsetaframbjóðandi Repúblikana, staðfesti nú fyrir skömmu að Mike Pence mun bjóða sig fram með honum sem varaforseti. Pence er ríkisstjóri Indiana en hann var áður þingmaður í tólf ár.

Trump ætlaði upprunalega að kynna varaforsetaefni sitt í morgun, en frestaði því vegna árásarinnar í Nice. Þess í stað ætlar hann að halda blaðamannafund á morgun en fjölmiðlar í Bandaríkjunum voru búnir að segja frá því að Pence yrði fyrir valinu.

Samkvæmt Bloomberg hefur Pence barist fyrir að dregið yrði úr umfangi ríkisstjórnar Bandaríkjanna. Hann er einnig á móti fóstureyðingum og í fyrra skrifaði hann undir lög sem gerði fyrirtækjum kleyft að neita því að veita samkynhneigðum þjónustu.

Fjölmiðlar ytra segja að Pence gæti hjálpað Trump að ná til aðila í Repúblikanaflokknum sem ekki hafa viljað samþykja Trump og skoðanir hans. Meðal annars hefur Pence verið dyggilega studdur af Koch-bræðrunum sem ekki hafa viljað styrkja Donald Trump.

Donald Trump Forsetakosningar í Bandaríkjunum

Mest lesið


Fleiri fréttir

Sjá meira


×

Mest lesið