Mumford & Sons tóku víkingaklappið á tónleikum

Hljómsveitameðlimir bresku hljómsveitarinnar Mumford & Sons eru greinilega hrifnir af íslenska landsliðinu og stuðningsmönnum þess. Þeir hlóðu í víkingafagnið fræga á tónleikum sínum í Árósum í Danmörku í dag.

Bergdís Þrastardóttir birtir myndband af fagninu á Facebook-síðu sinni og segir að Mumford & Sons hafi spurt hvort að einhverjir Íslendingar væru á meðal áhorfenda og síðan óskað þeim til hamingju með sigurinn á Englandi á EM í gær.

Áhorfendur tóku svo klappið aftur til þess að klappa hljómsvetina upp en sjá myndbandið hér að neðan. 

„Mig langar svo mikið að vera víkingur,“ sagði söngvari sveitarinnar að fagninu loknu.