Stóðlífi í Seljavallalaug Jakob Bjarnar skrifar 10. maí 2016 14:08 Parið var í heitum ástarleik í Seljavallalaug, um hábjartan dag, eins og ekkert væri eðlilegra. Skjáskot Jónas Freydal, þaulreyndur í ferðaþjónustunni til margra ára hefur þungar áhyggjur af ástandi mála við hina sögufrægu Seljavallalaug; 25 metra friðuð útisundlaug sem finna má í Laugarárgili undir Austur-Eyjafjallasveit. Seljavallalaug er enn eitt dæmið um þekkta staði á Íslandi sem eiga undir högg að sækja vegna átroðnings, og enginn virðist vita hvernig bregðast skuli við. Jónas hefur komið þarna lengi og segir laugina byggða fyrir tíu manns einu sinni á viku, og miðar þá við vatnsinntakið. Nú komi þarna hátt í þúsund manns daglega, á „high season“ og allir vilji útí. Þarna sé enginn klór og enginn fer í sturtu áður né eftir. Þarna sé engin aðstaða, ekki einu sinni klósett. Umgengnin er eftir því en verstir séu þó Íslendingar sem fari eiga það til að vera á fylleríi þar um helgar og að næturlagi. Jónas telur hreinlega hættulegt heilsu fólks að fara þarna útí, miðað við sýklagróður og annað sem í lauginni kann að vera. Hann segir að þetta gæti verið gullnáma, ef reist yrði aðstaða þarna og rukkað inn.Stóðlífi í lauginniÞarna er sem sagt ófremdarástand eins og víða þar sem mikill átroðningur er við vinsæla ferðamannastaði. Og það sem meira er, Seljavallalaug virðist vera sérlega vinsæll staður til að stunda kynlíf. Danskir sjónvarpsáhorfendur fengu að kynnast því í þáttaröðinni þar sem fjallað er um stefnumótaævintýri Petru Nagel, en hún kom til íslands og hitti nokkra íslenska karlmenn. Einn herramaðurinn fór með Petru í Seljavallalaug og þar má sjá par á bak við þau í ástarleik, eins og ekkert væri eðlilegra.Hér má sjá Íslandsþáttinn en á 8. mínútu má sjá þetta atriði, sem hinni dönsku og lífsglöðu Petru þótti greinilega býsna athyglisvert.Umdeilt fyrirtæki í ferðaþjónustu, Kúkú Campers, fer ekki hefðbundnar leiðir í markaðssetningu. Þeir þar leigja húsbíla og önnur faratæki og auglýsa Ísland sérstaklega sem kynlífsparadís. Á Íslandi er upplagt að kasta fötum og hefja leika vegna strjálbýlis: „Before you go off and join some crazy BDSM club to keep your life interesting, why not come to Iceland, rent our Renault KúKú, buy our sex outdoors mat and get KúKú in Iceland.“ Svo virðist sem ýmsir ferðamenn vilji taka þá Kúkú-menn á orðinu, að sögn Jónasar, og er Seljavallalaug vinsæll áningastaður fólks sem er á þeim buxunum. „Það þarf engan Vísinda-Villa til að reikna út hvað gerist í svona heitu vatni.“Stöðugur straumur ferðamanna Laugin er í umsjá Ungmennafélagsins Eyfellingur, en þar er formaður Ármann Fannar Magnússon, Hrútafelli í A-Eyjafjöllum. Hann segir gríðarlega ásókn, mikið rennerí þarna uppeftir; ferðamenn streymi þangað í stórum stíl. „Þetta er ekki opinn sundstaður, það er kannski heila málið. Þetta er ekkert endilega laug sem fólk á að fara ofan í. Það er nú heila málið,“ segir Ármann sem var að mjólka kýr sínar þegar Vísir náði af honum tali. Hann gaf sér tíma til að líta upp frá mjöltum til að ræða við blaðamann Vísis. „En, fólk lætur það ekkert stoppa sig. Margir sem fara þarna ofan í. Það er náttúrlega bara fólki í sjálfsvald sett. Ekkert opinn sundstaður sem slíkur, enda er engin aðstaða þarna til hreinlætis; ekkert klósett, vaskur ... þetta er í raun minjar sem fólk á að skoða.“Erfitt að koma í veg fyrir átroðninginnÁrmann leyfir sér að efast um að þetta sé hættulegt heilsu fólks að fara þarna út í. „Það hefur enginn drepist þarna ennþá eða orðið veikur af.“Ívar og félagar í Seljavallalaug. Þeim varð ekki meint af volkinu þar.Engar tölur eru til um aðsókn en Ármann nefnir að þarna hafi verið sjálfboðaliði í vikutíma í fyrra og hann talaði um það þá að þarna kæmu við um 300 manns á dag. „Þetta er orðið þekkt mannvirki og margir sem vilja skoða það.“ Ungmennafélagsmenn fara þarna reglulega til að taka rusl og þrífa, því miður er umgengni oft ekki uppá marga fiska. En, þyrfti ekki að takmarka aðgengið? „Ég þekki ekki reglurnar, hvað má takmarka? Er fólki ekki leyfilegt að æða út um allt. Veit ekki alveg hvernig á að fara að því? Þetta er orðið snúið að eiga við. Kom bara allt í einu yfir landann,“ segir Ármann og vísar í holskeflu ferðamanna.Líkamsræktartröllin lifðu baðferðina afÚtvarpsmaðurinn góðkunni, Ívar Guðmundsson, var þarna á ferð nýlega ásamt félögum sínum úr vaxtaræktarbransanum: Nökkva Fjalar Orrasyni, Elmari Frey Elíassyni, Agli Einarssyni og fleirum. „Það var bara létt í strákunum í lauginni,“ segir Ívar og brosir. Blaðamaður Vísis sagði Ívari í óspurðum fréttum að sumir væru farnir að meta það sem svo að það gæti hreinlega verið heilsuspillandi að fara útí Seljavallalaug. Útvarpsmaðurinn hressi lét sér hvergi bregða. „Aðstaðan gæti verið meira aðlaðandi og umgengni þarna í búningsklefum er ekki góð. En, okkur varð ekki meint af vatninu. Maður veit samt að það er ábyggilega ekki hæft til drykkjar.“ Ferðamennska á Íslandi Mest lesið Gekk nakinn í veg fyrir bíla á Suðurlandsvegi Innlent Fannst 73 árum eftir að hafa verið rænt Erlent Sænsk glæpagengi sendi fólk til Íslands Innlent Skiptast á eldflaugum í massavís Erlent Sæðisgjafar tilkynni það fjölskyldu sinni svo ekki verði „slys“ Innlent Tjóðraði móður sína við stól til að drepa eiginmann sinn Erlent Varpa sprengjum á fjölbýlishús í Karkív Erlent Alþingismerkið hafi aldrei verið heilagt Innlent Jörðin fær tímabundið annað tungl Erlent Mættu í flugbúningi á sveitaböllin og áttu séns Innlent Fleiri fréttir Bjarni fundaði með Guterres Tveggja bíla árekstur á Suðurlandsvegi Kom vini sínum til bjargar á fótboltaæfingu og 34. klukkustund Bakgarðshlaups Gekk nakinn í veg fyrir bíla á Suðurlandsvegi Verður Þórsmörk þjóðgarður? Vill burt með rándýr, úrelt og óþarfa stimpilgjöld Vonar að sveitarfélögin leysi úr NPA-vandanum Alþingismerkið hafi aldrei verið heilagt Fjármögnun NPA-samninga og Bakgarðshlaupið í beinni Samgöngusáttmálinn, Yazan og loftlagsmál á Sprengisandi Slegist með vopnum við skemmtistað Mættu í flugbúningi á sveitaböllin og áttu séns Sænsk glæpagengi sendi fólk til Íslands Sæðisgjafar tilkynni það fjölskyldu sinni svo ekki verði „slys“ Lögreglumenn í veikindaleyfi vegna þungra mála Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Sjá meira
Jónas Freydal, þaulreyndur í ferðaþjónustunni til margra ára hefur þungar áhyggjur af ástandi mála við hina sögufrægu Seljavallalaug; 25 metra friðuð útisundlaug sem finna má í Laugarárgili undir Austur-Eyjafjallasveit. Seljavallalaug er enn eitt dæmið um þekkta staði á Íslandi sem eiga undir högg að sækja vegna átroðnings, og enginn virðist vita hvernig bregðast skuli við. Jónas hefur komið þarna lengi og segir laugina byggða fyrir tíu manns einu sinni á viku, og miðar þá við vatnsinntakið. Nú komi þarna hátt í þúsund manns daglega, á „high season“ og allir vilji útí. Þarna sé enginn klór og enginn fer í sturtu áður né eftir. Þarna sé engin aðstaða, ekki einu sinni klósett. Umgengnin er eftir því en verstir séu þó Íslendingar sem fari eiga það til að vera á fylleríi þar um helgar og að næturlagi. Jónas telur hreinlega hættulegt heilsu fólks að fara þarna útí, miðað við sýklagróður og annað sem í lauginni kann að vera. Hann segir að þetta gæti verið gullnáma, ef reist yrði aðstaða þarna og rukkað inn.Stóðlífi í lauginniÞarna er sem sagt ófremdarástand eins og víða þar sem mikill átroðningur er við vinsæla ferðamannastaði. Og það sem meira er, Seljavallalaug virðist vera sérlega vinsæll staður til að stunda kynlíf. Danskir sjónvarpsáhorfendur fengu að kynnast því í þáttaröðinni þar sem fjallað er um stefnumótaævintýri Petru Nagel, en hún kom til íslands og hitti nokkra íslenska karlmenn. Einn herramaðurinn fór með Petru í Seljavallalaug og þar má sjá par á bak við þau í ástarleik, eins og ekkert væri eðlilegra.Hér má sjá Íslandsþáttinn en á 8. mínútu má sjá þetta atriði, sem hinni dönsku og lífsglöðu Petru þótti greinilega býsna athyglisvert.Umdeilt fyrirtæki í ferðaþjónustu, Kúkú Campers, fer ekki hefðbundnar leiðir í markaðssetningu. Þeir þar leigja húsbíla og önnur faratæki og auglýsa Ísland sérstaklega sem kynlífsparadís. Á Íslandi er upplagt að kasta fötum og hefja leika vegna strjálbýlis: „Before you go off and join some crazy BDSM club to keep your life interesting, why not come to Iceland, rent our Renault KúKú, buy our sex outdoors mat and get KúKú in Iceland.“ Svo virðist sem ýmsir ferðamenn vilji taka þá Kúkú-menn á orðinu, að sögn Jónasar, og er Seljavallalaug vinsæll áningastaður fólks sem er á þeim buxunum. „Það þarf engan Vísinda-Villa til að reikna út hvað gerist í svona heitu vatni.“Stöðugur straumur ferðamanna Laugin er í umsjá Ungmennafélagsins Eyfellingur, en þar er formaður Ármann Fannar Magnússon, Hrútafelli í A-Eyjafjöllum. Hann segir gríðarlega ásókn, mikið rennerí þarna uppeftir; ferðamenn streymi þangað í stórum stíl. „Þetta er ekki opinn sundstaður, það er kannski heila málið. Þetta er ekkert endilega laug sem fólk á að fara ofan í. Það er nú heila málið,“ segir Ármann sem var að mjólka kýr sínar þegar Vísir náði af honum tali. Hann gaf sér tíma til að líta upp frá mjöltum til að ræða við blaðamann Vísis. „En, fólk lætur það ekkert stoppa sig. Margir sem fara þarna ofan í. Það er náttúrlega bara fólki í sjálfsvald sett. Ekkert opinn sundstaður sem slíkur, enda er engin aðstaða þarna til hreinlætis; ekkert klósett, vaskur ... þetta er í raun minjar sem fólk á að skoða.“Erfitt að koma í veg fyrir átroðninginnÁrmann leyfir sér að efast um að þetta sé hættulegt heilsu fólks að fara þarna út í. „Það hefur enginn drepist þarna ennþá eða orðið veikur af.“Ívar og félagar í Seljavallalaug. Þeim varð ekki meint af volkinu þar.Engar tölur eru til um aðsókn en Ármann nefnir að þarna hafi verið sjálfboðaliði í vikutíma í fyrra og hann talaði um það þá að þarna kæmu við um 300 manns á dag. „Þetta er orðið þekkt mannvirki og margir sem vilja skoða það.“ Ungmennafélagsmenn fara þarna reglulega til að taka rusl og þrífa, því miður er umgengni oft ekki uppá marga fiska. En, þyrfti ekki að takmarka aðgengið? „Ég þekki ekki reglurnar, hvað má takmarka? Er fólki ekki leyfilegt að æða út um allt. Veit ekki alveg hvernig á að fara að því? Þetta er orðið snúið að eiga við. Kom bara allt í einu yfir landann,“ segir Ármann og vísar í holskeflu ferðamanna.Líkamsræktartröllin lifðu baðferðina afÚtvarpsmaðurinn góðkunni, Ívar Guðmundsson, var þarna á ferð nýlega ásamt félögum sínum úr vaxtaræktarbransanum: Nökkva Fjalar Orrasyni, Elmari Frey Elíassyni, Agli Einarssyni og fleirum. „Það var bara létt í strákunum í lauginni,“ segir Ívar og brosir. Blaðamaður Vísis sagði Ívari í óspurðum fréttum að sumir væru farnir að meta það sem svo að það gæti hreinlega verið heilsuspillandi að fara útí Seljavallalaug. Útvarpsmaðurinn hressi lét sér hvergi bregða. „Aðstaðan gæti verið meira aðlaðandi og umgengni þarna í búningsklefum er ekki góð. En, okkur varð ekki meint af vatninu. Maður veit samt að það er ábyggilega ekki hæft til drykkjar.“
Ferðamennska á Íslandi Mest lesið Gekk nakinn í veg fyrir bíla á Suðurlandsvegi Innlent Fannst 73 árum eftir að hafa verið rænt Erlent Sænsk glæpagengi sendi fólk til Íslands Innlent Skiptast á eldflaugum í massavís Erlent Sæðisgjafar tilkynni það fjölskyldu sinni svo ekki verði „slys“ Innlent Tjóðraði móður sína við stól til að drepa eiginmann sinn Erlent Varpa sprengjum á fjölbýlishús í Karkív Erlent Alþingismerkið hafi aldrei verið heilagt Innlent Jörðin fær tímabundið annað tungl Erlent Mættu í flugbúningi á sveitaböllin og áttu séns Innlent Fleiri fréttir Bjarni fundaði með Guterres Tveggja bíla árekstur á Suðurlandsvegi Kom vini sínum til bjargar á fótboltaæfingu og 34. klukkustund Bakgarðshlaups Gekk nakinn í veg fyrir bíla á Suðurlandsvegi Verður Þórsmörk þjóðgarður? Vill burt með rándýr, úrelt og óþarfa stimpilgjöld Vonar að sveitarfélögin leysi úr NPA-vandanum Alþingismerkið hafi aldrei verið heilagt Fjármögnun NPA-samninga og Bakgarðshlaupið í beinni Samgöngusáttmálinn, Yazan og loftlagsmál á Sprengisandi Slegist með vopnum við skemmtistað Mættu í flugbúningi á sveitaböllin og áttu séns Sænsk glæpagengi sendi fólk til Íslands Sæðisgjafar tilkynni það fjölskyldu sinni svo ekki verði „slys“ Lögreglumenn í veikindaleyfi vegna þungra mála Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Sjá meira