ÍBV með góðan sigur í Árbæ | Myndir

ÍBV er komið með þrjú stiga í Pepsi-deild kvenna eftir 3-1 sigur á Fylki í Árbæ í kvöld. Þór/KA vann svo stórsigur á ÍA.

Rebekah Bass kom ÍBV yfir á níundu mínútu og Nathasha Moraa Anasi tvöfaldaði forystuna á 25. mínútu. Þannig stóðu leikar í hálfleik.

Lisa-Marie Woods kom svo ÍBV í 3-0 í upphafi síðari hálfleiks áður en Berglind Björg Þorvalsdóttir minnkaði metin. Lokatölur 3-1.

ÍBV er með þrjú stig eftir fyrstu tvo leikina, en Fylkir er með eitt stig. Vonbrigðarbyrjun í bæði karla- og kvennaflokki í Árbænum.

Þór/KA rúllaði yfir nýliða ÍA á Akureyri í dag. Sandra Stephany Mayor Gutierrez kom Akureyrarliðinu yfir eftir rúman hálftíma, en staðan var 1-0 í hálfleik.

Í síðari hálfleik gerði Sandra María Jessen sér lítið fyrir og skoraði þrennu, en fyrsta markið kom af vítapunktinum. Lokatölur 4-0.

Þór/KA náði því í sín fyrstu stig þarna, en þær töpuðu í fyrsta leiknum gegn Stjörnunni. ÍA er enn án stiga eftir tap gegn FH í fyrstu umferð.