Daníel tekur við Njarðvík

Njarðvíkingar voru fljótir að ganga frá ráðningu nýs þjálfara eftir að ljóst var að Friðrik Ingi Rúnarsson og Teitur Örlygsson myndu ekki halda áfram með félagið.

Njarðvík tilkynnti í kvöld að félagið væri búið að ráða Daníel Guðna Guðmundsson sem þjálfara meistaraflokks karla til næstu tvegggja ára. Hann þjálfaði kvennalið Grindavíkur með góðum árangri í vetur.

Sjá einnig: Teitur: Lokaði mig inni eftir tapið

Grindvík kom á óvart í úrslitakeppnina með því að vinna fyrstu tvo leiki sína gegn deildarmeisturum Hauka. Haukar báru þó sigur úr býtum í undanúrslitarimmu liðanna að lokum, 3-2.

Daníel er uppalinn Njarðvíkingur sem spilaði með yngri flokkum félagsins. Hann verður þrítugur síðar á þessu ári og er til að mynda fimm árum yngri en Logi Gunnarsson, ein helsta stjarna Njarðvíkurliðsins.

Sjá tilkynningu Njarðvíkur hér fyrir neðan.