Takk fyrir minningarnar, Conor

Kóngurinn í UFC er búinn að kveðja. Þó svo margir trúi því ekki að hann standi við yfirlýsingu sína þá segist Conor McGregor vera hættur. Það stendur enn.

UFC reynir að telja honum hughvarf sem og aðrir í kringum hann. Eins og staðan er núna er hann hættur og ætlar sér ekki til Las Vegas að sinna vinnunni um helgina.

Þeir eru fáir sem hafa hreinlega tekið yfir íþrótt á sama hraða og Conor gerði. Hann var um ár að leggja íþróttina algjörlega að fótum sér og næla í heimsmeistaratitil á mettíma. Nánar tiltekið 13 sekúndum.

Síðasta ár hjá honum var einstaklega glæsilegt en þetta ár hefur ekki verið eins gott. Hann tapaði fyrir Nate Diaz og segist núna vera hættur.

Conor er ótrúlegur skemmtikraftur með einstakt aðdráttarafl. Það ásamt hæfileikum hans í búrinu hefur gert hann að ofurstjörnu.

Það var Stefán Snær Geirmundsson sem setti saman þetta frábæra myndband af Íranum sem má sjá hér að ofan.