Bernie Sanders segir upp starfsfólki

Bernie Sanders sem sækist eftir tilnefningu demókrataflokksins í forsetakosningum í Bandaríkjunum hefur hafið uppsagnir innan kosningateymis síns, eftir sigur Clinton í forkosningum í mikilvægum fylkjum á þriðjudaginn.

Í frétt BBC um málið er haft eftir talsmanni Sanders að í ljósi þess að forkosningum er lokið í meirihluta fylkja sé ekki þörf á sama mannskap og áður.Eftir niðurstöðu forkosninganna á þriðjudaginn þykir ljóst að Hillary Clinton muni hljóta tilnefningu Demókrataflokksins.

Sanders hefur þó sagst ætla að halda áfram þangað til forkosningum í Kaliforníu lýkur í júní næstkomandi.