Vinirnir komu loks saman á ný: Þetta kom fram í þættinum

Vinirnir sex, Rachel, Monica, Phoebe, Joey, Chandler og Ross eru án efa frægustu vinir sögunnar og komu fimm af þeim saman í sérstökum sjónvarpsþætti á NBC í gærkvöldi. Chandler sem var leikinn af Matthew Perry í sjónvarpsþáttunum frægu gat því miður ekki verið viðstaddur.

Leikararnir komu saman til að heiðra leikstjórann James Burrows en hann leikstýrði meðal annars fimmtán þáttum af Friends. Á ferilskránni má einnig finna þætti af Cheers, Frasier, Will & Grace og Taxi.

Friends eru einhverjir vinsælustu sjónvarpsþættir sem gerðir hafa verið en þeir voru í loftinu á árunum 1994-2004. Reglulega skjótast upp á yfirborðið sögusagnir þess efnis að til standi að gera nýja þætti með persónunum úr þáttunum en yfirleitt er blásið á þær sögusagnir jafnharðan. Það gæti því verið að þessi þáttur verði eins nálægt nýjum þætti og hægt er. Síðasti þátturinn um Vini var frumsýndur fyrir tólf árum eftir að hafa verið fastagestir á skjám milljóna manna um tíu ára skeið.

Endurkoman gekk vonum framar og var um mjög fallega stunda að ræða þar sem Jennifer Aniston, sem leikur Rachel, fór meðal annars að gráta þegar James Burrows hélt hjartnæma ræðu.

Vefsíðan Independent hefur tekið saman hvað kom fram í þættinum í gær:

1. Í áraraðir hefur sá orðrómur gengið um Hollywood að leikararnir hafi skrifað undir samning á sínum tíma að þau mættu ekki sofa hjá hvort öðru. Lisa Kudrow sagði í gær að svo hafi ekki verið.

2. Vinirnir spiluðu mikið póker í búningsherbergi Burrows sem hafði það í för með sér að að þátturinn The One with All the Poker var framleiddur.

3. Leikarahópurinn settist oft saman niður og horfði á nýjasta þáttinn og gáfu þau hverju öðru ráðleggingar.

4. Kudrow, Aniston og Cox borðuðu hádegismat saman á hverjum einasta degi í 10 ár og borðuðu alltaf það sama, það sem Courteney Cox kallar Jennifer salat.

5. Aniston kom upphaflega í áheyrnarprufu til að leika hlutverk Monica.

6. Leikarahópurinn elskaði mest að taka upp þætti þar sem þau áttu að leika sig sem unglinga.

#FriendsReunion Tweets