Varar við lokun landamæra Evrópuríkja

Filippo Grandi, yfirmaður Flóttamannastofnunar Sameinuðu þjóðanna, varar við því að ríki Evrópu loki landamærum sínum. Hann segir að það myndi skapa meiri glundroða, en hann átti sérstaklega við löndin á Balkanskaga.

Um átta þúsund flóttamenn sitja nú fastir í Grikklandi eftir að Makedónía bannað fólki frá Afganistan að fara yfir landamæri sín á sunnudaginn. Þar að auki var Írökum og Sýrlendingum gert erfiðara um vik að komast yfir landamærin.

Samkvæmt AFP fréttaveitunni segir Grandi að það muni auka álagið á Grikklandi sem sé nú þegar allt of mikið. Engar aðrar leiðir standi fólkinu til boða.

Grandi er nú staddur á eyjunni Lesbos, sem er helsta leið flóttafólks til Evrópu. Það sem af er þessu ári hafa rúmlega hundrað þúsund manns komið til eyjunnar og þar af hafa minnst 413 farist á leiðinni.