Pósað á fjólubláum dregli

Frumsýning kvikmyndarinnar Zoolander 2 var haldin með pomp og prakt í New York í gær. í anda myndarinnar var allt helsta þotulið tískuheimsins mætt á frumsýninguna.

Fyrir sýninguna var haldin glæsileg tískusýning sem Zoolander, Hansel, Mugatu og Valentina opnuðu eins og þeim einum er lagið. 

Gestir sýningarinnar stilltu sér svo upp á rauða dreglinum, sem var reyndar fjólublár í tilefni dagsins. Meðal gesta voru Anna Wintour ritstjóri Vogue, fatahönnuðirnir Alexander Wang og Marc Jacobs, Kendall og Kris Jenner og uppáhalds Instagram grínarinn okkar The Fat Jewish.