Sjáðu Gensheimer fagna heima í stofu

Þýskaland komst áfram í undanúrslitin á EM í Póllandi í kvöld eftir glæsilegan sigur á Danmörku í lokaumferð milliriðlakeppninnar.

Lærisveinar Dags Sigurðssonar mæta næst Norðmönnum á föstudaginn um hvort liðið mætir annað hvort Spáni eða Króatíu í úrslitaleik mótsins.

Uwe Gensheimer, sem öllu jöfnu er fyrirliði þýska landsliðsins, er ekki með sínum mönnum í Póllandi vegna meiðsla en fylgist vitanlega vel með sínum mönnum.

Hann birti meðfylgjandi myndband á Facebook-síðu sinni og þar má sjá innilegan fögnuð hans þegar sigurinn á Dönum var í höfn í kvöld.

Crazy....! Ihr Freaks!!! #badboys

Posted by Uwe Gensheimer on Wednesday, January 27, 2016