Frumsýning á nýjustu leikmönnum Stjörnunnar í kvöld

Valur tekur á móti Stjörnunni í Pepsi-deild kvenna klukkan 19.15 í kvöld en leikið er á æfingasvæði Vals á Hlíðarenda þar sem Valsstelpurnar vilja ekki spila á Laugardalsvelli eins og karlarnir.

Stjörnuliðið fékk sér fjóra nýja útlendinga í glugganum til að undirbúa sig fyrir mikið leikjaálag á næstunni og ein af þeim, brasilíska landsliðskonan Poliana, gæti spilað sinn fyrsta leik í kvöld.

Poliana spilaði með Brasilíu á Heimsmeistaramótinu í sumar og var einnig í sigurliðinu á Ameríkuleikunum í dögunum en hún á að baki 34 leiki fyrir brasilíska landsliðið.