Frumsýningu Bourne frestað

Kvikmyndaverið Universal hefur tilkynnt um nýjan frumsýningardag fimmtu Bourne-myndarinnar, sem verður 29. júlí 2016.

Matt Damon og leikstjórinn Paul Greengrass starfa aftur saman en þeir tóku ekki þátt í gerð síðustu Bourne-myndar.

Ákveðið var að fresta frumsýningunni um tvær vikur og mun myndin því ekki keppa um áhorfendur við Ice Age 5 og Star Trek, sem verður sína aðra viku í sýningum á þessum tíma. Í staðinn keppir Bourne við Make & Dave Need Wedding Dates og Suicide Squad.