Handboltinn fær langmest frá Afrekssjóði ÍSÍ

Framkvæmdastjórn Íþrótta- og Ólympíusambands Íslands samþykkti, fimmtudaginn 10. desember 2015,  tillögur stjórnar Afrekssjóðs ÍSÍ að úthlutun fyrir árið 2016. Styrkveitingar ÍSÍ til sambandsaðila nema nema samtals 142 milljónum króna að þessu sinni sem er meira en undanfarin ár en framundan er Ólympíuár.

Handknattleikssamband fær langmest frá Afrekssjóði ÍSÍ að þessu sinni eða 28 milljónir króna. Það er næstum því tvöfalt meira en Sundsamband Íslands fær en sundfólkið fær 14,950 milljóna styrk. Í næstu sætum á eftir koma síðan Frjálsíþróttasambandið (13,4 milljónir) og Körfuknattleikssamband Íslands (11,4 milljónir).

Handboltinn fær þennan styrk vegna landsliðsverkefna A landsliðs karla, A landsliðs kvenna, U20 landsliðs karla, U20 landsliðs kvenna, U18 landsliðs karla, U18 landsliðs kvenna, Afrekshóps karla, Afrekshóps kvenna og fræðslu og fagteymis fyrir afrekshópa.

Sundsamband Íslands fær sinn styrk vegna landsliðsverkefna, unglingalandsliðsverkefna, verkefna boðssundssveitar, undirbúnings fyrir Ólympíuleika 2016, verkefna Hrafnhildar Lúthersdóttur, Eyglóar Óskar Gústafsdóttur og Antons Sveins Mckee auk fræðslu og fagteymis fyrir afrekshópa.

Afrekssjóður ÍSÍ fékk umsóknir frá 27 sérsamböndum og einni íþróttanefnd ÍSÍ. Öll þessi sambönd frá styrk vegna sinna landsliðsverkefna, þótt um misháar upphæðir sé að ræða. Sótt var um styrki til sjóðsins vegna verkefna 86 einstaklinga og er aðeins hluti þeirra verkefna styrktur, eða verkefni 22 íþróttamanna. Sérsambönd hljóta styrki vegna verkefna tilgreindra íþróttamanna en ekki íþróttamennirnir sjálfir.

Þrátt fyrir að úthlutað sé að þessu sinni 142 milljónum króna, sem er töluverð hækkun frá styrkjum undanfarinna ára, er enn langt í land í að styrkir ÍSÍ standi undir öllu afreksstarfi sérsambandanna.  Nýverið gaf ÍSÍ út skýrslu þar sem greindur var kostnaður við afreksíþróttastarf og þar kom fram að til þess að standa nærri þeim þjóðum sem við berum okkur jafnan saman við þyrfti árlega að vera hægt að úthluta um 650 milljón króna til afreksstarfs á Íslandi.  Þær upphæðir eru varlega áætlaðar og nú á undanförnum vikum hafa samanburðarþjóðir aukið enn frekar í sínar úthlutanir.

Framlag ríkisins til Afrekssjóðs ÍSÍ fyrir árið 2016 hækkar um 30 milljónir króna frá síðasta ári og er 100 milljónir. Síðustu tvö ár hefur þessi upphæð verið 70 milljónir króna en árið 2013 var þessi upphæð 55 milljónir. og árið 2012 var framlag ríkisins 34,7 milljónir króna auk þess sem að styrk vegna undirbúnings fyrir Ólympíuleikana í London að upphæð 25 milljónir var úthlutað til sérsambanda ÍSÍ í gegnum Afrekssjóð ÍSÍ.  Afrekssjóður ÍSÍ er annars fjármagnaður með hlutdeild úr tekjum íþróttahreyfingarinnar frá Íslenskri Getspá samkvæmt ákvörðun Íþróttaþings ÍSÍ.  Heildartekjur Afrekssjóðs ÍSÍ fyrir árið 2016 eru áætlaðar 140 milljónir króna.

Það er hægt að lesa meira um úthlutun Afrekssjóðs ÍSÍ hér.

Styrkveitingar Afrekssjóðs ÍSÍ 2016



  

Blaksamband Íslands (BLÍ)

Vegna landsliðsverkefna, unglingalandsliðs í strandblaki og fræðslu og fagteymis fyrir afrekshópa

kr.        1.700.000,-



 

Badmintonsamband Íslands (BSÍ)

Vegna landsliðsverkefna, þátttöku í mótum sem gefa stig á heimslista vegna Ólympíuleika 2016 og fræðslu og fagteymis fyrir afrekshópa

kr.        2.200.000,-



 

Borðtennissamband Íslands (BTÍ)

Vegna landsliðsverkefna og fræðslu og fagteymis fyrir afrekshópa

kr.           600.000,-



 

Dansíþróttasamband Íslands (DSÍ)

Vegna landsliðsverkefna, verkefna Nikita Bazev og Hönnu Rúnar Óladóttur og fræðslu og fagteymis fyrir afrekshópa

kr.        2.400.000,-



 

Frjálsíþróttasamband Íslands (FRÍ)

Vegna landsliðsverkefna, stórmótaverkefna í aldursflokkum, undirbúnings fyrir Ólympíuleika 2016, hæfileikamótunar/Úrvalshóps FRÍ, verkefna Ásdísar Hjálmsdóttur, Anítu Hinriksdóttur, Hafdísar Sigurðardóttur, Huldu Þorsteinsdóttur, Örnu Stefaníu Guðmundsdóttur og Guðna Vals Guðnasonar auk fræðslu og fagteymis fyrir afrekshópa

kr.      13.400.000,-



 

Fimleikasamband Íslands (FSÍ)

Vegna landsliðsverkefna í áhaldafimleikum kvenna og karla, landsliðsverkefna í hópfimleikum kvenna, karla og blandaðra liða, þátttöku í úrtökumóti í áhaldafimleikum vegna Ólympíuleika í Ríó 2016, vegna verkefna Irina Sazonova og Normu Daggar Róbertsdóttur auk fræðslu og fagteymis fyrir afrekshópa

kr.        8.100.000,-



 

Golfsamband Íslands (GSÍ)

Vegna landsliðsverkefna og fræðslu og fagteymis fyrir afrekshópa

kr.       5.300.000,-



 

Hjólreiðasamband Íslands (HRÍ)

Vegna landsliðsverkefna

kr.          300.000,-



 

Handknattleikssamband Íslands (HSÍ)

Vegna landsliðsverkefna A landsliðs karla, A landsliðs kvenna, U20 landsliðs karla, U20 landsliðs kvenna, U18 landsliðs karla, U18 landsliðs kvenna, Afrekshóps karla, Afrekshóps kvenna og fræðslu og fagteymis fyrir afrekshópa

kr.      28.000.000,-



 

Íþróttasamband fatlaðra (ÍF)                                             

Vegna landsliðsverkefna í sundi, frjálsíþróttum og vetraríþróttum, undirbúnings fyrir Ólympíumót fatlaðra í Ríó 2016, verkefna Helga Sveinssonar og Jón Margeirs Sverrissonar auk fræðslu og fagteymis fyrir afrekshópa

kr.       8.800.000,-



 

Íshokkísamband Íslands (ÍHÍ)

Vegna landsliðsverkefna A landsliðs karla, A landsliðs kvenna, U20 landsliðs karla, U18 landsliðs karla og fræðslu og fagteymis fyrir afrekshópa

kr.       3.200.000,-



 

Skautasamband Íslands (ÍSS)

Vegna landsliðsverkefna og fræðslu og fagteymis fyrir afrekshópa

kr.          600.000,-



 

Júdósamband Íslands (JSÍ)

Vegna landsliðsverkefna, þátttöku í mótum sem gefa stig á heimslista vegna Ólympíuleika 2016, verkefna Þormóðs Árna Jónssonar auk fræðslu og fagteymis fyrir afrekshópa

kr.       3.550.000,-



 

Karatesamband Íslands (KAÍ)

Vegna landsliðsverkefna og fræðslu og fagteymis fyrir afrekshópa

kr.       1.300.000,-





 

Körfuknattleikssamband Íslands (KKÍ)

Vegna landsliðsverkefna A landsliðs karla, A landsliðs kvenna, U20 landsliðs karla, U18 landsliðs drengja, U18 landsliðs stúlkna, U16 landsliðs drengja, U16 landsliðs stúlkna og fræðslu og fagteymis fyrir afrekshópa

kr.       11.400.000,-



 

Keilusamband Íslands (KLÍ)

Vegna landsliðsverkefna, unglingalandsliðsverkefna og fræðslu og fagteymis fyrir afrekshópa

kr.          900.000,-



 

Kraftlyftingasamband Íslands (KRA)

Vegna landsliðsverkefna, vegna verkefna Júlíans Jóhanns Karls Jóhannssonar, Viktors Samúelssonar, Auðuns Jónssonar og Fanneyjar Hauksdóttur auk fræðslu og fagteymis fyrir afrekshópa

kr.        5.750.000,-



 

Knattspyrnusamband Íslands (KSÍ)

Vegna landsliðsverkefna A landsliðs kvenna, U17 landsliðs kvenna, U17 landsliðs karla og fræðslu og fagteymis fyrir afrekshópa

kr.       8.900.000,-



 

Landssamband hestamannafélaga (LH)                            

Vegna landsliðsverkefna og fræðslu og fagteymis fyrir afrekshópa

kr.       1.700.000,-



 

Lyftingasamband Íslands (LSÍ)                               

Vegna landsliðsverkefna, þátttöku í EM 2016 og fræðslu og fagteymis fyrir afrekshópa

kr.       1.100.000,-



 

Siglingasamband Íslands (SÍL)                                

Vegna landsliðsverkefna og fræðslu og fagteymis fyrir afrekshópa

kr.          600.000,-



 

Skíðasamband Íslands (SKÍ)

Vegna landsliðsverkefna í alpagreinum, landsliðsverkefna í skíðagöngu, landsliðsverkefna í snjóbrettum, vegna verkefna Maríu Guðmundsdóttur og Freydísar Höllu Einarsdóttur auk fræðslu og fagteymis fyrir afrekshópa

kr.       7.600.000,-



 

Skylmingasamband Íslands (SKY)

Vegna landsliðsverkefna kvennalandsliðsins, verkefna U18/U21 landsliðsins, verkefna karlalandsliðsins, þátttöku í úrtökumóti vegna Ólympíuleika í Ríó 2016 og fræðslu og fagteymis fyrir afrekshópa

kr.       2.300.000,-



 

Sundsamband Íslands (SSÍ)

Vegna landsliðsverkefna, unglingalandsliðsverkefna, verkefna boðssundssveitar, undirbúnings fyrir Ólympíuleika 2016, verkefna Hrafnhildar Lúthersdóttur, Eyglóar Óskar Gústafsdóttur og Antons Sveins Mckee auk fræðslu og fagteymis fyrir afrekshópa

kr.      14.950.000,-



 

Skotíþróttasamband Íslands (STÍ)

Vegna landsliðsverkefna í haglabyssu, landsliðsverkefna í loftbyssu, vegna verkefna Ásgeirs Sigurgeirssonar auk fræðslu og fagteymis fyrir afrekshópa

kr.       3.850.000,-

 



Taekwondósamband Íslands (TKÍ)

Vegna landsliðsverkefna í sparring, landsliðsverkefna í poomse, þátttöku í úrtökumóti vegna Ólympíuleika í Ríó 2016, vegna verkefna Meisam Rafiei auk fræðslu og fagteymis fyrir afrekshópa

kr.       2.300.000,-



 

Tennissamband Íslands (TSÍ)

Vegna landsliðsverkefna og fræðslu og fagteymis fyrir afrekshópa

kr.          600.000,-



 

ÍSÍ v/ Bogfiminefndar ÍSÍ

Vegna landsliðsverkefna og fræðslu og fagteymis fyrir afrekshópa

kr.          600.000,-



 

 Heildarúthlutun        kr.      142.000.000,-