Grindavík mætir Stjörnunni í bikarnum

Grindavík mætir Stjörnunni í stórslag 16-liða úrslita Powerade-bikarkeppni karla en dregið var í hádeginu. Stjarnan er ríkjandi bikarmeistari en Grindavík hefur unnið þrjá leiki sína af fjórum í Domino's-deild karla í haust.

Höttur og Þór Þorlákshöfn mætast í hinum úrvalsdeildarslag umferðarinnar en nýliðarnir frá Egilsstöðum eru enn án sigurs í deildinni.

Toppliðin í Domino's-deild kvenna, Haukar, Grindavík og Snæfell, fengu öll leiki gegn liðum í 1. deild kvenna og þá er Valur í hópi þeirra liða sem sitja hjá í umferðinni.

Powerade-bikar kvenna:

Fjölnir - Haukar

Keflavík - Þór Akureyri

Snæfell - Breiðablik

KR - Skallagrímur

Grindavík - Njarðvík

Lið sem sitja hjá: Hamar, Valur og Stjarnan.

Powerade-bikar karla:

Höttur - Þór Þorl.

Hamar - Njarðvík

Haukar B - KR

Haukar - Ármann

Grindavík - Stjarnan

Reynir S. - Njarðvík B

Keflavík - Valur

Breiðablik - Skallagrímur

Leikirnir fara fram 5.-7. desember.