Spectre verður lengsta Bond-myndin

Nýjasta kvikmyndin um njósnara hennar hátignar, James Bond, verður lengsta Bond-myndin í sögunni eða um tveir og hálfur klukkutími.

Spectre hefur nú þegar fengið ágætis dóma frá gagnrýnendum úti í heimi.

Casino Royale og Skyfall voru 144 og 143 mínútur en Spectre er 148 mínútur. Leikstjóri myndarinnar er Sam Mendes, sá hinn sami og leikstýrði Skyfall, en Daniel Craig fer með hlutverk njósnarans sem tekst á við glæpasamtökin Spectre.

Um er að ræða 24. myndina í seríunni um njósnarann James Bond.