8408 laxar komnir úr Ytri Rangá

Þeir eru að reynast ótrúlega sannspáir sem spáðu að þetta yrði eitt af metárunum í Ytri Rangá strax í byrjun.

Veiðin hefur verið svakalega góð í ánni meira og mina allt tímabilið þó fyrstu tvær til þrjár vikurnar hafi verið rólegar eins og gefur að skilja. Þegar áin fór loksins í gang var feyknaveiði á fluguna og það jókst bara sem leið á sumarið. Þegar maðkurinn fór niður var þetta ekkert annað en mokveiði og þá fóru að detta inn 600-900 laxa vikur en þar um bil. Veiðin hefur verið feyknagóð á endasprettinum í haust og staðar er sú að alls eru komnir 8408 laxar á land á þessu tímabili sem gerir það að þriðja besta ári Yrtri Rangár frá upphafi en aðeins hefur veiðst meira árin 2008 og 2009.

Nú er veitt í ánni í tæpa 10 daga í viðbót og daglega eru að veiðast um og yfir 50 laxar svo það er ekkert óhugsandi að um 500 laxar veiðist í viðbót á þeim tíma. Þeir sem eru ekki búnir að veiða nóg í sumar geta klárlega gert góða veiði í Ytri fram til loka því ekki vantar laxinn og ennþá veiðast nokkrir bjartir laxar næstum daglega.