Sjáðu mörkin þegar Breiðablik rúllaði yfir Val | Myndband

Breiðablik vann sinn tólfta sigur í röð í Pepsi-deild kvenna í gær þegar Kópavogsliðið rúllaði yfir Val, 6-0.

Blikakonur eiga Íslandsmeistaratitilinn vísan en liðið er með sjö stiga forskot á Stjörnuna þegar þremur umferðum er ólokið.

Fanndís Friðriksdóttir gerði þrennu í gær en hún er markahæst í Pepsi-deildinni með 18 mörk, sex mörkum á undan næstu leikmönnum á markalistanum.

Andrea Rán Snæfeld Hauksdóttir, Telma Hjaltalín Þrastardóttir og Svava Rós Guðmundsdóttir skoruðu hin mörk Blika sem mæta Selfossi í næsta leik sínum 1. september. Með sigri í leiknum tryggja Blikakonur sér sinn fyrsta Íslandsmeistaratitil síðan 2005.

Mörkin úr leik Breiðabliks og Vals má sjá á SportTV.is, eða með því að smella hér.