Fimmti sigur Þór/KA í röð | Myndir

Þór/KA vann sinn fimmta leik í röð í Pepsi-deild kvenna þeagr liðið rúllaði yfir Fylki, 4-1, á útivelli í dag.

Ruth Þórðar Þórðardóttir kom Fylki yfir á sjöttu mínútu, en Klara Lindberg jafnaði tíu mínútum síðar. Sandra María Jessen kom Þór/KA yfir með sínu tólfta marki í sumar, en hún hefur skorað í sex leikjum í röð. Klara bætti við öðru marki sínu og þriðja marki Þór/KA rétt fyrir hlé.

Staðan 3-1 í hálfleik, en Klara fullkomnaði þrennu sína með fjórða marki Þór/KA á 57. mínútu og sínu ellefta í sumar. Lokatölur 4-1 sigur Þór/KA.

Akureyrarliðið er því í þriðja sæti deildarinnar með 27 stig, en Fylkir er í því sjöunda með nítján stig.

Vilhelm Gunnarsson, ljósmyndari Vísis og Fréttablaðsins, var á vellinum og tók þessar myndir sem má sjá hér að neðan.