Sundkonan Eygló Ósk Gústafsdóttir komst ekki í úrslit í 100 metra baksundi á heimsmeistaramótinu í Kazan í Rússlandi í dag.
Eygló varð í 15. sæti af 16 keppendum í undanúrslitunum en átta bestu tímarnir fóru í úrslit.
Eygló synti á 1:00,69 mínútum sem er nokkuð frá Íslandsmetinu sem hún setti í undanrásunum í morgun.
Eygló var með níunda besta tímann í undanrásunum þar sem hún synti á 1:00,25 mínútum. Hún sló ekki einungis Íslandsmetið í morgun heldur náði hún einnig A-lágmarki fyrir Ólympíuleikana í Ríó á næsta ári.
Eygló hefur ekki lokið leik á HM en hún keppir í 50 metra baksundi á miðvikudaginn, 200 metra baksundi á föstudaginn og í 4x100 metra fjórsundi á sunnudaginn.
Eygló Ósk komst ekki í úrslit
Tengdar fréttir
Hrafnhildur og Eygló Ósk náðu lágmörkum fyrir ÓL 2016
Eins og fram kom á Vísi í morgun settu sundkonurnar Eygló Ósk Gústafsdóttir og Hrafnhildur Lúthersdóttir Íslandsmet á HM í sundi í Kazan í Rússlandi.
Hrafnhildur og Eygló settu báðar Íslandsmet
Tvö Íslandsmet féllu á heimsmeistaramótinu í sundi í Kazan í Rússlandi í morgun.
Anton setti Íslandsmet og náði Ólympíulágmarki
Anton Sveinn McKee bætti í morgun Íslandsmet Jakob Jóhanns Sveinssonar í 100 metra bringusundi á heimsmeistaramótinu í sundi í Kazan í Rússlandi í morgun.
Hrafnhildur komst fyrst íslenskra kvenna í úrslit á HM
Sundkonan Hrafnhildur Lúthersdóttir tryggði sér nú rétt í þessu sæti í úrslitum í 100 metra bringusundi á heimsmeistaramótinu í Kazan í Rússlandi.
