Vísir kominn til Vegas

Það styttist í stærsta bardagakvöld ársins í UFC og Vísir mun fylgjast með í Las Vegas alla vikuna.

Henry Birgir Gunnarsson og Björn Guðgeir Sigurðsson eru búnir að koma sér vel fyrir á hinu glæsilega MGM Grand-hóteli þar sem bardagakvöldið fer fram.

Gunnar Nelson mun þá keppa við Brandon Thatch en aðalbardagi kvöldsins er á milli Írans Conor McGregor og Bandaríkjamannsins Chad Mendes.

Á MGM Grand snýst allt um UFC-kvöldið og í anddyri hótelsins er búið að koma fyrir UFC-búri með MGM-ljóni inn í. Upp um alla veggi eru síðan myndir af þeim fjórum sem munu keppa um titil.

Á morgun verður opin æfing hjá köppunum og munum við þá birta myndir og myndbönd frá því. Einnig verður að sjálfsögðu greint líka frá öllu því helsta sem er að gerast.

Bardagakvöldið verður að sjálfsögðu í beinni á Stöð 2 Sport. Tryggðu þér áskrift á 365.is.