Hrafnhildur náði á pall í Kaliforníu

Hrafnhildur Lúthersdóttir lenti á öðru sæti í 200 metra bringusundi á Arena Pro mótaröðinni, en synt var í Santa Clara í Kaliforníu. Morgunblaðið greinir frá þessu.

Hafnfirska sundkonan var ekki langt frá því að bæta Íslandsmet sitt i greininni, en hún var 22/100 frá því. Hún synti á 2:25,61 mínútum, en hún varð á eftir Julia Efimova sem synti hraðast.

Einnig keppti Hrafnhildur í 100 metra bringusundi og þar varð hún í fjórða sæti.

Mótið var liður í undirbúningi Hrafnhildar fyrir heimsmeistaramótið í Rússlandi sem fer fram í ágúst og hefst í byrjun mánaðarins.