Góð bílasala í Evrópu í ár

Sala bíla í Evrópu hefur verið með ágætum það sem af er liðið ári og aukningin 7% frá fyrra ári þegar fyrstu fimm mánuðir ársins eru taldir. Hinsvegar eru teikn á lofti um að um sé að hægjast þar sem aukingin í maí var aðeins 0,8%.

Þessi aukning er sú minnsta í álfunni síðan í nóvember árið 2013. Nokkrir bílaframleiðendur tilkynnt um minni sölu í maí ár frá fyrra ári, þar á meðal Volkswagen, Ford og Opel/Vauxhall. Söluhæstu einstöku bílgerðirnar voru sem oft áður Volkswagen Golf, Ford Fiesta og Renault Clio, en sala á þeim öllum minnkaði á milli ára í maí.

Sú breyting hefur einnig orðið í ár að færri bílar með dísilvélum seljast nú, en þess fleiri bensínbílar, rafmagnsbílar og bílar með tvíorkuaflrás. Það er greiningarfyrirtækið JATO Dynamics sem safnar saman gögnum um bílasölu í Evrópu.