Bikarmeistararnir mæta norðanstúlkum | Selfoss og ÍBV mætast í Suðurlandsskjálfta

Dregið var í 8-liða úrslit Borgunarbikars kvenna í höfuðstöðvum KSÍ í hádeginu í dag.

Stórleikur 8-liða úrslitanna er viðureign Stjörnunnar og Þórs/KA en Stjörnukonur eru ríkjandi bikarmeistarar.

Fylkir fékk eina 1. deildarliðið í pottinum, Grindavík, og þá mætast Valur og KR á Vodafone-vellinum.

Loks er það Suðurlandsslagur ÍBV og Selfoss en Selfyssingar unnu leik liðanna í 2. umferð Pepsi-deildarinnar á dögunum.

Leikirnir fara fram föstudaginn 3. júlí og laugardaginn 4. júlí.

Leikirnir í 8-liða úrslitum Borgunarbikarsins:

Stjarnan - Þór/KA

Fylkir - Grindavík

Valur - KR

ÍBV - Selfoss