Leikskólar á Akranesi opnir á morgun

Leikskólar á Akranesi verða opnir á morgun, þrátt fyrir tilkynningu um annað. Boðað hafði verið til verkfalls en samkomulag náðist snemma í morgun.

Tilkynnt hafði verið að leikskólar yrðu lokaðir vegna verkfalls ræstingafólks hjá fyrirtækinu Hreint ehf og er í Verkalýðsfélagi Akraness, sem er aðili að Starfsgreinasambandinu. Verkfallinu lýkur á miðnætti og er því hægt að halda úti hefðbundinni starfsemi á morgun.

Í tilkynningu frá bænum segir að verkföllin hafi haft mikil áhrif á Akranesi. Meðal annars hafi strætisvagnasamgöngur farið úr skorðum því enginn innanbæjarvagn sé í gangi. Þá hafi hundruð starfsmanna í fiskvinnslu þegar lagt niður störf.