Góð byrjun Tottenham dugði ekki til | Sjáðu mörkin

Tottenham á erfiðan útileik fyrir höndum í síðari viðureigninni gegn Fiorentina í 32-liða úrslitum Evrópudeildar UEFA eftir 1-1 jafntefli liðanna á White Hart Lane í kvöld.

Tottenham byrjaði vel og komst yfir strax á sjöttu mínútu með marki Roberto Soldado. Tottenham stjórnaði leiknum en miðvörðurinn Jose Maria Basanta kom gestunum inn í leikinn með jöfnunarmarki á 36. mínútu.

Nacer Chadli átti svo skot í stöng fyrir Tottenham sem varð að lokum að sætta sig við skiptan hlut á heimavelli. Síðari leikurinn fer fram á Ítalíu í næstu viku.

Mörkin úr leiknum má sjá hér fyrir neðan.

Roberto Soldado kom Tottenham yfir á 6. mínútu: José Basanta skoraði jöfnunarmark Fiorentina á 36. mínútu: