Þriðji strákurinn snýr heim frá Bandaríkjunum

Stjanan hefur fengið góðan liðsstyrk fyrir seinni hluta tímabilsins en hinn átján ára Daði Lár Jónsson er aftur kominn til félagsins.

Daði Lár hélt til Bandaríkjanna í sumar og hóf nám við miðskóla (e. high school) í Norður-Karólínu. Fram kemur á karfan.is að hann hafi verið ósáttur við margt sem fór fram í skólanum, Gaston Day.

Á dögunum sneru bræðurnir Jón Axel og Ingvi Þór Guðmundssynir aftur til Grindavíkur eftir að hafa verið í námi í skóla í Bandaríkjunum í haust.

Stjarnan mætir Tindastóli á Sauðárkróki annað kvöld en þá hefst keppni í Domino's-deild karla á ný. Grindavík tekur þá á móti Haukum.