
Gunnar: Kann að meta stuðning Svíanna

Það var hreinlega slegist um að fá hann í viðtöl á miðvikudag og hann rúllaði sér auðveldlega í gegnum það þó svo dagurinn hafi verið langur hjá honum.
Búinn í úlnliðnum
„Þessi dagur er undirlagður af viðtölum. Ég er svo alveg búinn í úlnliðnum eftir að hafa skrifað á einhver 300 plaköt. Þetta er hluti af starfinu og ég er orðinn vanur þessu,“ segir Gunnar og brosir blíðlega.
Andstæðingur hans að þessu sinni er Bandaríkjamaðurinn Rick Story. Reynslumikill kappi sem hefur meðal annars lagt meistarann í veltivigtinni, Johny Hendricks. Hann hefur þó ekki átt neitt sérstaklega góðu gengi að fagna síðustu misseri. Í heildina hefur hann unnið sautján bardaga og tapað átta.
„Það er sama plan og alltaf hjá mér. Ég fer þarna inn og þá kemur þetta allt í ljós. Ég reyni að bregðast við andstæðingnum og vera vakandi. Ég er búinn að vinna vinnuna í líkamsræktarsalnum og þá leyfir maður skrokknum að ráða þessu og vera tilbúinn,“ segir Gunnar en flestir búast við frekar öruggum sigri okkar manns. Það yrði nokkurt áfall ef hann tapaði. Sem fyrr hefur Gunnar fulla trú á sjálfum sér.
Spennandi að mæta Story
„Mér líður alltaf eins fyrir bardaga. Það er spennandi og virkilega krefjandi að fara inn í búrið gegn nýjum andstæðingi sama hvort hann er verri eða betri en einhver annar. Þá er þetta nýr einstaklingur sem hreyfir sig á annan hátt. Það verður spennandi að fara á móti Story.“
Story vill helst hafa bardagann sem lengstan en Gunnar segir það alls ekki vera verra. Hann geti tekið margar lotur og verði betri með hverri lotunni.
„Ég er rétt byrjaður að hitna í þriðju lotu,“ segir Gunnar og glottir en hann er nú í fyrsta skipti í bardaga sem er fimm lotur en áður hefur hann tekið þátt í þriggja lotu bardögum. Það hefur reyndar engu breytt þar sem hann klárar andstæðinga sína afar snemma.
Aðalnúmer kvöldsins
Gunnar er aðalnúmer kvöldsins. Maðurinn sem á að selja miða í Globen. Það hefur gengið vel og Gunnar segir Svíana taka honum vel.
„Við eigum augljóslega ýmislegt sameiginlegt með Svíum. Ég hef fengið gríðarlega góðar móttökur hérna og Svíarnir líta á mann sem bróður. Ég finn það alveg. Það er líka svipuð stemning og heima að æfa með þeim. Ég kann að meta þann stuðning sem ég fæ frá Svíunum.“
Tengdar fréttir

Story er svefnlaus í Stokkhólmi
Maður hefur séð hressari menn en Bandaríkjamanninn Rick Story á fjölmiðladeginum í Stokkhólmi í gær. Það átti sér þó skýringar.

Miðum á bardaga Gunnars fjölgað vegna mikils áhuga
Eftirsókn eftir miðum aldrei jafn mikil á UFC-bardagakvöld.

Gunnar og Kavanagh buðu upp á skylmingaratriði
Gunnar Nelson og þjálfari hans, John Kavanagh, vöktu mikla athygli fyrir æfinguna sem þeir héldu fyrir fjölmiðlamenn í gær.

Hitað upp fyrir bardaga Gunnars | Myndband
Inside the Octagon fjallar um Gunnar Nelson og Rick Story.

Gunnar Nelson hélt til Stokkhólms í morgun
Berst við Bandaríkjamanninn Rick Story í Globen-höllinni á laugardagskvöldið.

Gunnar æfði í Speglasalnum og mætti Story | Myndir
Flottar myndir frá opinni æfingu fyrir bardagakvöldið í Stokkhólmi á laugardaginn.

Er verið að fórna Story fyrir Gunnar?
Rick Story veltir fyrir sér ástæðum þess að hann var valinn til að berjast við Gunnar Nelson.

Story: Ég veit að Gunnar er frábær og á allt umtalið skilið
Mótherji Gunnars Nelson í Stokkhólmi á laugardagskvöldið ber virðingu fyrir Íslendingnum en er hvergi banginn.

Búið að selja yfir 10 þúsund miða á bardaga Gunnars í Globen
Það fer hver að verða síðastur í Svíþjóð að næla sér í miða á bardaga Gunnars Nelson og Rick Story í Globen-höllinni glæsilegu.

Story: Ætla að láta reyna á þol Gunnars
Bandaríkjamaðurinn Rick Story er fullviss um að hann muni gera Gunnari Nelson lífið leitt er þeir mætast í búrinu í Stokkhólmi á laugardag.

Gunnar valdi bestu „staðreyndina“ um sig
Heppinn sprelligosi fékk áritaða hanska og miða á bardagann á laugardaginn.

Slegist um viðtöl við Gunnar Nelson í Stokkhólmi
Hópur fjölmiðlamanna umkringir okkar mann á fjölmiðlafundi fyrir bardagakvöldið á laugardaginn.

Leiðin að búrinu: Gunnar Nelson vs. Rick Story
Aðeins fimm dagar eru í UFC bardaga Gunnars Nelson í Stokkhólmi. Gunnar mætir Bandaríkjamanninum Rick Story í aðalbardaga kvöldsins í beinni útsendingu á Stöð 2 Sport.

Búið að selja um 9.000 miða á bardagakvöldið með Gunnari
Fjöldi fólks var mættur fyrir utan Grand-hótelið í Stokkhólmi í dag til þess að sjá Gunnar ganga inn á hótelið þar sem fjölmiðladagurinn var haldinn.