Ragnheiður og Gullna hliðið hlutu flest verðlaun

Íslensku sviðslistaverðlaunin, Gríman, voru veitt í 12. skiptið við hátíðlega athöfn í Þjóðleikhúsinu í kvöld. Sýningarnar Ragnheiður og Gullna hliðið voru sigursælar og hlutu báðar þrenn verðlaun á hátíðinni en Ragnheiður var meðal annars valin sýning ársins. Kynnar kvöldsins voru Bergur Ebbi og Dóri DNA og slógu þeir á létta strengi eins og þeim einum er lagið. 

Sýningin Stóru börnin eftir Lilju Sigurðardóttur hlaut Grímuverðlaunin í ár sem leikrit ársins. Sýningin var flutt af leikhópnum LabLoki í Tjarnarbíói í vetur og fjallar um konu sem býður upp á þjónustu fyrir einstaklinga sem vilja upplifa það að ganga aftur í barndóm.

Þá hlutu bæði Hilmir Snær Guðnason og Margrét Vilhjálmsdóttir verðlaun fyrir leik í aðalhlutverki fyrir frammistöðu sína í verkinu Eldraunin eftir Arthur Miller, sem sýnt var í Borgarleikhúsinu. Hvorki Hilmir Snær né Margrét gátu tekið á móti verðlaununum en sendu fulltrúa í sinn stað, Hilmir Snær sendi dóttur sína og Margrét leikkonuna Tinnu Gunnlaugsdóttur.

Það var svo leikkonan Kristbjörg Kjeld sem hlaut heiðursverðlaun ársins fyrir ævistarf. Það var Illugi Gunnarsson menntamálaráðherra sem afhenti henni verðlaunin við mikið lófaklapp áhorfenda.

Þess má geta að Kristbörg uppskar mikinn hlátur fyrr um kvöldið er hún veitti Margréti verðlaun fyrir leik í aðalhlutverki og var næstum því búin að tilkynna nafn sigurvegarans án þess að lesa upp nöfn tilnefndra.



Verðlaunin á hátíðinni skiptust þannig:

Ragnheiður

Sýning ársins 2014

eftir Gunnar Þórðarson og Friðrik Erlingsson

Íslenska óperan

Stóru börnin

Leikrit ársins 2014

eftir Lilju Sigurðardóttur

Lab Loki

Egill Heiðar Anton Pálsson

Leikstjóri ársins 2014

fyrir Gullna hliðið

Leikfélag Akureyrar

Hilmir Snær Guðnason

Leikari ársins 2014 í aðalhlutverki

fyrir Eldraunina

Þjóðleikhúsið

Margrét Vilhjálmsdóttir

Leikkona ársins 2014

í aðalhlutverki

fyrir Eldraunina

Þjóðleikhúsið

Bergur Þór Ingólfsson

Leikari ársins 2014 í aukahlutverki

fyrir Furðulegt háttalag hunds um nótt

Borgarleikhúsið

Nanna Kristín Magnúsdóttir

Leikkona ársins 2014 í aukahlutverki

fyrir Óskasteina

Borgarleikhúsið

Egill Ingibergsson

Leikmynd ársins 2014

fyrir Gullna hliðið

Leikfélag Akureyrar

Helga Mjöll Oddsdóttir

Búningar ársins 2014

fyrir Gullna hliðið

Leikfélag Akureyrar

Gunnar Þórðarson

Tónlist ársins 2014

fyrir Ragnheiði

Íslenska óperan

Vala Gestsdóttir og Kristinn Gauti Einarsson

Hljóðmynd ársins 2014

fyrir Litla prinsinn

Þjóðleikhúsið

Björn Bergsteinn Guðmundsson og Petr Hloušek

Lýsing ársins 2014

fyrir Furðulegt háttalag hunds um nótt

Borgarleikhúsið

Elmar Gilbertsson

Söngvari ársins 2014

fyrir Ragnheiði

Íslenska óperan

Brian Gerke

Dansari ársins 2014

fyrir F A R A N G U R

Íslenski dansflokkurinn

Valgerður Rúnarsdóttir

Danshöfundur ársins 2014

fyrir F A R A N G U R

Íslenski dansflokkurinn

Söngur hrafnanna eftir Árna Kristjánsson

útvarpsverk ársins 2014

Leikstjórn Viðar Eggertsson

Útvarpsleikhúsið á RÚV

Tyrfingur Tyrfingsson – leikskáld

Sproti ársins 2014

fyrir Bláskjá

Óskabörn ógæfunnar og Borgarleikhúsið

Hamlet litli eftir Berg Þór Ingólfsson

Barnasýning ársins 2014

Borgarleikhúsið

Kristbjörg Kjeld

Heiðursverðlaun Leiklistarsambands Íslands 2014