Helgarmaturinn - Lax á léttu nótunum

Hafdís Perla Hafsteinsdóttir starfar sem héraðdómslögmaður og hefur áhuga á heilbrigðu líferni. Fjöllin eiga hug hennar allan en hún bæði stundar skíði og fjallaskíði.

Uppskrift

1 stk. laxaflak, roð- og beinhreinsað

½ búnt ferskt dill

½-1 sítróna

1 gul paprika

1 rauð paprika

½ krukka fetaostur

ristaðar furuhnetur

Aðferð

Laxaflakið er roð- og beinhreinsað, skolað og þerrað vel.

Lagt í eldfast mót og safi úr ½-1 sítrónu kreistur yfir.

Dillið er skorið smátt og dreift yfir fiskinn.

Paprikan skorin niður og stráð kringum fiskinn ásamt fetaostinum.

Ristuðum furuhnetum dreift yfir til skrauts.

Grillað í ofni við um 200°C í 12-15 mín.

Borið fram með fersku salati og góðu hvítvíni.