Ævareiðir rithöfundar vegna ritdóma á RÚV Jakob Bjarnar skrifar 1. desember 2014 13:35 Björn Þór er sannarlega enginn augnakarl í ranni rithöfunda, en bókmenntarýni hans hefur fallið í grýttan jarðveg þar. Vigdís Grímsdóttir rithöfundur á vart orð til í eigu sinni vegna gagnrýni og gagnrýni Björns Þórs Vilhjálmssonar í þættinum Víðsjá á Ríkisútvarpinu. Svo gramt er henni í geði að hún fær sig ekki til að nefna nafn hans en óhætt er að segja að það gneisti af orðum sem hún ritaði á Facebooksíðu sína um helgina, en þar kallar hún Björn Þór pungrottu, montinn hrokagikk og vesaling: „Mikill vesalingur er hinn útreiknanlegi gagnrýnandi VÍÐASJÁR þegar hann fjallar um Englaryk - Guðrúnar Evu Mínervudóttur og KOK Kristínar Eiríksdóttur. Mig langar ekki til að nefna hann á nafn, það er nefnilega, því miður, ennþá hægt að hlusta á yfirskyggt montið og hrokann í honum í Sarpinum. Satt að segja hélt ég að pungrottudómar heyrðu sögunni til. En þannig er það ekki. Ég hef alltaf staðið með Rúv og viljað veg þess bestan. En ég get ekki lengur lofað þann guðlega mátt sem gerir mig löðrandi í drullu.“Almenn reiði meðal rithöfunda Ýmsir rithöfundar taka undir orð Vigdísar, Kristín Ómarsdóttir krækir í orð Vigdísar og fylgir þeim úr hlaði með að segja: „Um ritdómarann í Víðsjá sem sýnir dæmalausa kvenfyrirlitningu.“ Og, þannig má áfram telja. Og, svo Þórarinn Leifsson rithöfundur sem bætir um betur á Facebooksíðu sinni í dag þar sem hann segir: „Rithöfundar geta auðvitað ekki farið að stýra umræðu um bækurnar sínar. Hvort sem um er að ræða þennan furðufugl í Víðsjá eða fyllibyttur sem rugla saman prívat rifrildum á fésbók við faglegan ritdóm. En ritstjórar hljóta að taka í taumana þegar menn eru komnir út í tóma vitleysu?“ Þórarinn bætir svo við broskarli en meiningin fer ekkert á milli mála; rithöfundar vilja ekki sætta sig við þennan mann.Ómarktækur fúkyrðaflaumur Eiríkur Guðmundsson, einn umsjónarmanna Víðsjár, segir þetta svo stór orð í samtali við Vísi, svo stór að ekki sé hægt að taka neina afstöðu til þeirra. „Ég get skilið að þessi dómar hafi farið skakkir ofan í fólk en þetta eru alltof stór orð. Mér finnst fólk býsna stóryrt,“ segir Eiríkur. Hann segir ekki standa til að losa sig við Björn Þór og hann hefur ekki fengið nein formleg viðbrögð á sitt borð vegna dóma Björns Þórs. „Nei, bara þessi hróp á Facebook,“ segir Eiríkur. „Okkur bregður við stóryrðin en annars erum við bara róleg.“En, nú er þetta varla hópur sem menningarþáttur á borð við Víðsjá vill vera uppá kant við? „Nei. Ekki vill maður vera uppá kant við Vigdísi, þá indælu konu. Við verðum þá bara að bjóða henni til skrafs og ráðagerða. Svona stóryrði og fúkyrði eru ekki til þess fallin að maður taki mikið tillit til þeirra.“ En, hvað segir maðurinn sem er í auga stormsins? Björn Þór er aðjúnkt í almennri bókmenntafræði við HÍ og ætti að vita um hvað hann er að tala. Eða hvað? „Fólk má að sjálfsögðu hafa hvaða skoðun sem það vill þegar að minni bókmenntaumfjöllun kemur, og ekki er hún hafin yfir gagnrýni. En þessi ummæli hins vegar eru ekki svaraverð og dæma sig sjálf.“ Innlegg frá Vigdís Grímsdóttir. Innlegg frá Thorarinn Leifsson. Mest lesið Trump sendir þjóðvarðlið til Los Angeles Erlent 70 milljóna króna halli vegna uppsagnar samningsins Innlent Þrír reyndu að komast undan lögreglu Innlent Danskar herþotur verða staðsettar á Grænlandi Erlent Tók 12 ár að breyta reglum um bætur vegna seinkun flugferða Erlent Vísbendingar um að síðasta vígið sé fallið Innlent Hótar Musk alvarlegum afleiðingum styðji hann Demókrata Erlent Sækja WorldPride í skugga bakslags í réttindum hinsegin fólks Innlent Danskur raunveruleikaþáttarkeppandi þurfti að skilja íslensku Erlent Ummæli Kolbrúnar blaut tuska í andlit ungmenna Innlent Fleiri fréttir Evrópusambandið, rétttrúnaður og endurskoðun veiðiráðgjafarinnar Þrír reyndu að komast undan lögreglu Jöklar hér á landi minnkað um eina Lúxemborg Sækja WorldPride í skugga bakslags í réttindum hinsegin fólks 70 milljóna króna halli vegna uppsagnar samningsins Beðasléttur í borginni: Óttast óafturkræfan skaða á Laugarnesi Fleiri börn deyja á Gasa og óttast um fornminjar í Laugarnesi Ók á gangandi vegfarenda og keyrði burt Umræðu um bókun 35 aftur frestað Ummæli Kolbrúnar blaut tuska í andlit ungmenna Norðurlandamót í Bridge á Laugarvatni alla helgina Yfirfara þurfi öryggismál við Brúará Enn eitt banaslysið í Brúará, landvinningar lúsmýs og þungarokkshátíð Vísbendingar um að síðasta vígið sé fallið „Ef þetta gengur vel mun hún eignast allan bátinn“ Konan sem féll í Brúará er látin Fimm frumvörp fjögurra ráðuneyta samþykkt Klara Baldursdóttir er látin Þyrla Landhelgisgæslunnar kölluð út vegna göngumanns „Kraftmiklar og afgerandi aðgerðir gegn skipulagðri brotastarfsemi“ „Þegar fjármagnið klárast, þá klárast líka aðgengið“ Hressar og skemmtilegar systur með geitur á Geysi Loka hluta útsýnispallsins vegna aurskriðu Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Erlendur ferðamaður féll í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Sjá meira
Vigdís Grímsdóttir rithöfundur á vart orð til í eigu sinni vegna gagnrýni og gagnrýni Björns Þórs Vilhjálmssonar í þættinum Víðsjá á Ríkisútvarpinu. Svo gramt er henni í geði að hún fær sig ekki til að nefna nafn hans en óhætt er að segja að það gneisti af orðum sem hún ritaði á Facebooksíðu sína um helgina, en þar kallar hún Björn Þór pungrottu, montinn hrokagikk og vesaling: „Mikill vesalingur er hinn útreiknanlegi gagnrýnandi VÍÐASJÁR þegar hann fjallar um Englaryk - Guðrúnar Evu Mínervudóttur og KOK Kristínar Eiríksdóttur. Mig langar ekki til að nefna hann á nafn, það er nefnilega, því miður, ennþá hægt að hlusta á yfirskyggt montið og hrokann í honum í Sarpinum. Satt að segja hélt ég að pungrottudómar heyrðu sögunni til. En þannig er það ekki. Ég hef alltaf staðið með Rúv og viljað veg þess bestan. En ég get ekki lengur lofað þann guðlega mátt sem gerir mig löðrandi í drullu.“Almenn reiði meðal rithöfunda Ýmsir rithöfundar taka undir orð Vigdísar, Kristín Ómarsdóttir krækir í orð Vigdísar og fylgir þeim úr hlaði með að segja: „Um ritdómarann í Víðsjá sem sýnir dæmalausa kvenfyrirlitningu.“ Og, þannig má áfram telja. Og, svo Þórarinn Leifsson rithöfundur sem bætir um betur á Facebooksíðu sinni í dag þar sem hann segir: „Rithöfundar geta auðvitað ekki farið að stýra umræðu um bækurnar sínar. Hvort sem um er að ræða þennan furðufugl í Víðsjá eða fyllibyttur sem rugla saman prívat rifrildum á fésbók við faglegan ritdóm. En ritstjórar hljóta að taka í taumana þegar menn eru komnir út í tóma vitleysu?“ Þórarinn bætir svo við broskarli en meiningin fer ekkert á milli mála; rithöfundar vilja ekki sætta sig við þennan mann.Ómarktækur fúkyrðaflaumur Eiríkur Guðmundsson, einn umsjónarmanna Víðsjár, segir þetta svo stór orð í samtali við Vísi, svo stór að ekki sé hægt að taka neina afstöðu til þeirra. „Ég get skilið að þessi dómar hafi farið skakkir ofan í fólk en þetta eru alltof stór orð. Mér finnst fólk býsna stóryrt,“ segir Eiríkur. Hann segir ekki standa til að losa sig við Björn Þór og hann hefur ekki fengið nein formleg viðbrögð á sitt borð vegna dóma Björns Þórs. „Nei, bara þessi hróp á Facebook,“ segir Eiríkur. „Okkur bregður við stóryrðin en annars erum við bara róleg.“En, nú er þetta varla hópur sem menningarþáttur á borð við Víðsjá vill vera uppá kant við? „Nei. Ekki vill maður vera uppá kant við Vigdísi, þá indælu konu. Við verðum þá bara að bjóða henni til skrafs og ráðagerða. Svona stóryrði og fúkyrði eru ekki til þess fallin að maður taki mikið tillit til þeirra.“ En, hvað segir maðurinn sem er í auga stormsins? Björn Þór er aðjúnkt í almennri bókmenntafræði við HÍ og ætti að vita um hvað hann er að tala. Eða hvað? „Fólk má að sjálfsögðu hafa hvaða skoðun sem það vill þegar að minni bókmenntaumfjöllun kemur, og ekki er hún hafin yfir gagnrýni. En þessi ummæli hins vegar eru ekki svaraverð og dæma sig sjálf.“ Innlegg frá Vigdís Grímsdóttir. Innlegg frá Thorarinn Leifsson.
Mest lesið Trump sendir þjóðvarðlið til Los Angeles Erlent 70 milljóna króna halli vegna uppsagnar samningsins Innlent Þrír reyndu að komast undan lögreglu Innlent Danskar herþotur verða staðsettar á Grænlandi Erlent Tók 12 ár að breyta reglum um bætur vegna seinkun flugferða Erlent Vísbendingar um að síðasta vígið sé fallið Innlent Hótar Musk alvarlegum afleiðingum styðji hann Demókrata Erlent Sækja WorldPride í skugga bakslags í réttindum hinsegin fólks Innlent Danskur raunveruleikaþáttarkeppandi þurfti að skilja íslensku Erlent Ummæli Kolbrúnar blaut tuska í andlit ungmenna Innlent Fleiri fréttir Evrópusambandið, rétttrúnaður og endurskoðun veiðiráðgjafarinnar Þrír reyndu að komast undan lögreglu Jöklar hér á landi minnkað um eina Lúxemborg Sækja WorldPride í skugga bakslags í réttindum hinsegin fólks 70 milljóna króna halli vegna uppsagnar samningsins Beðasléttur í borginni: Óttast óafturkræfan skaða á Laugarnesi Fleiri börn deyja á Gasa og óttast um fornminjar í Laugarnesi Ók á gangandi vegfarenda og keyrði burt Umræðu um bókun 35 aftur frestað Ummæli Kolbrúnar blaut tuska í andlit ungmenna Norðurlandamót í Bridge á Laugarvatni alla helgina Yfirfara þurfi öryggismál við Brúará Enn eitt banaslysið í Brúará, landvinningar lúsmýs og þungarokkshátíð Vísbendingar um að síðasta vígið sé fallið „Ef þetta gengur vel mun hún eignast allan bátinn“ Konan sem féll í Brúará er látin Fimm frumvörp fjögurra ráðuneyta samþykkt Klara Baldursdóttir er látin Þyrla Landhelgisgæslunnar kölluð út vegna göngumanns „Kraftmiklar og afgerandi aðgerðir gegn skipulagðri brotastarfsemi“ „Þegar fjármagnið klárast, þá klárast líka aðgengið“ Hressar og skemmtilegar systur með geitur á Geysi Loka hluta útsýnispallsins vegna aurskriðu Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Erlendur ferðamaður féll í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Sjá meira