Gunnar æfði í Speglasalnum og mætti Story | Myndir

Gunnar Nelson tók þátt í opinni æfingu í gærkvöldi fyrir UFC-bardagakvöldið í Stokkhólmi sem fram fer á laugardaginn, en það er fastur liður í undirbúningi fyrir slíka viðburði.

Eftir annasaman fjölmiðladag þar sem slegist var um viðtöl við Gunnar mætti hann aftur um kvöldið og tók létta æfingu ásamt þjálfara sínum John Kavanagh.

Nokkrir aðdáendur Gunnars og hinna kappanna fengu að mæta í gærkvöldi og fylgjast með æfingunni í Speglasalnum á Grand Hotel, virkilega glæsilegu hóteli í miðborg Stokkhólms.

Þarna voru allir frá UFC-sambandinu mættir sem staddir eru í Stokkhólmi; GarryCook, framkvæmdastjóri UFC í Evrópu, lýsandinn JohnGooden, sérfræðingurinn og fyrrverandi bardagakappinn DanHardy og auðvitað allar skilta-skvísurnar.

Eftir æfinguna mættust Gunnar og Rick Story í fyrsta skipti og stilltu sér upp fyrir myndavélarnar. Þeir höfðu hægt um sig enda Gunnar ekki vanur að vera með mikla stæla í slíkum myndatökum.

Hér að neðan má sjá flottar myndir frá æfinguni.

Bardagi Gunnars Nelson verður í beinni útsendingu á Stöð 2 Sport á laugardagskvöldið. Fáðu þér áskrift í síma 512-5100 eða smelltu hér.