Leiðin að búrinu: Gunnar Nelson vs. Rick Story

Aðeins fimm dagar eru í UFC bardaga Gunnars Nelson í Stokkhólmi. Gunnar mætir Bandaríkjamanninum Rick Story í aðalbardaga kvöldsins í beinni útsendingu á Stöð 2 Sport.

MMA Fréttir birti rétt í þessu viðtal við Gunnar Nelson. Í myndbandinu ræðir Gunnar um andstæðing sinn og fer yfir sinn síðasta bardaga gegn Zak Cummings. Aðspurður um hvort það skipti hann máli hvar hann berst segir Gunnar:

„Það skiptir í raun engu máli hvar þú berst upp á tekjur eða andstæðinga, þetta er alltaf bara UFC og það breytir kannski ekki öllu máli. Það er náttturulega hrikalegur kostur að geta skroppið til Svíþjóðar og barist þar, main event, það er nátturulega alveg æðislegt.“

Bardaginn er í beinni útsendingu á Stöð 2 Sport á laugardaginn og hefst útsendingin kl 19.