Skölluð á tónleikum Quarashi og nefbrotnaði

Svava Dís Guðmundsdóttir þurfti að frá að hverfa á tónleikum Quarashi á Þjóðhátíð í Eyjum á laugardagskvöldinu, eftir að hafa verið skölluð í framan með þeim afleiðingum að hún nefbrotnaði. Svava ákvað að skella sér í tæplega sólarhringsferð til að sjá kappana í Quarashi spila og ætlaði vitaskuld að sjá alla tónleika sveitarinnar. En hún náði aðeins þremur lögum vegna nefbrotsins.

„Þetta var nú algjört óviljaverk,“ útskýrir Svava og heldur áfram:

„Ég veit ekki hvað manneskjan fyrir framan mig var að gera. Það var mikill troðningur í dansgólfinu og allir að hoppa. Allt í einu fékk ég bara höfuðið á þeim fyrir framan mig beint í andlitið. Það byrjaði strax á blæða svo ég fór í sjúkratjaldið og þaðan beint upp á spítala."



Svava missti því af tónleikunum sem hún ætlaði að sjá. „Já, ég fékk ekki að fara aftur í dalinn," segir hún en sjúkrahúsinu kom í ljós að hún var nefbrotin. Svava segist hafa leitað til ættingja sinna í Eyjum. „Þetta reddaðist allt. Ég fór heim á sunnudeginum eins og til stóð."

Svava segir að á sjúkrahúsinu í Eyjum hafi verið gerð tilraun til þess að rétta nef hennar. „En það gekk ekki, þannig að ég þarf að fara í aðgerð í vikunni til þess að láta rétta á mér nefið."