Sjáðu mörkin úr leik Stjörnunnar og Motherwell

Ólafur Karl Finsen tryggði Stjörnumönnum 2-2 jafntefli í fyrri leik liðsins gegn Motherwell í undankeppni Evrópudeildarinnar í dag. Ólafur Karl jafnaði metin í uppbótartíma en seinni leikur liðanna fer fram á Samsung vellinum eftir viku.

Josh Law kom Motherwell í 2-0 með tveimur mörkum í sínum fyrsta leik fyrir félagið en Ólafur Karl minnkaði muninn af vítapunktinum skömmu fyrir hálfleik og jafnaði síðan metin í uppbótartíma af vítapunktinum.

Motherwell setti inn samantekt frá leiknum í Skotlandi inn á Youtube-síðu sína en samantektina má sjá hér fyrir neðan.