Nýtt myndband frá Gretu Salóme

„Þetta er svona sumarnostalgíu lag sem boðar sól og sumar,“ segir tónlistarkonan Greta Salóme Stefánsdóttir, en hún var að senda frá sér nýtt lag sem ber nafnið, Lifnar aftur við.

Lagið var samið fyrir um mánuði síðan en Daði Birgisson sá um upptökur og er pródúsent lagsins.

Hér á Vísi frumsýnir Greta Salóme nýtt tónlistarmyndband er unnið af fyrirtækinu Silent og sá Eiríkur Þór Hafdal um upptökur og vinnslu. Lag og texti er eftir Gretu Salóme en hún er með einvalalið hljóðfæraleikara með sér í laginu.

Greta Salóme er á leiðinni í frí í karíbahafið. „Ég ætla að heimsækja nokkrar breskar jómfrúreyjar og jafnvel skella mér aðeins í sólbað, ef veður leyfir,“ segir Greta Salóme og hlær.

Hún kemur svo heim í eina viku eftir fríið, en skundar svo að stað á nýjan leik út, því hún hefur náð sér í spennandi tónlistarsamning á erlendri grundu.