Umfjöllun og viðtöl: Víkingur - Grindavík 4-1 | Víkingar áfram eftir framlengingu Ingvi Þór Sæmundsson í Laugardal skrifar 28. maí 2014 16:21 Búlgarinn Todor Hristov skoraði glæsilegt mark með þrumuskoti. Vísir/Daníel Víkingur komst áfram í fjórðu umferð Borgunarbikarsins eftir 4-1 sigur á Grindavík í framlengdum leik á gervigrasvellinum í Laugardal í kvöld. Lokastaðan gefur ekki alveg rétta mynd af leiknum, en Grindvíkingar voru síst verri aðilinn lengst af leiks og voru nær því að skora sigurmarkið í venjulegum leiktíma. Heimamenn áttu hins vegar meira eftir á tankinum í framlengingunni og tryggðu sér sigurinn þar með þremur mörkum. Grindvíkingar tóku forystuna strax á 4. mínútu þegar Tomislav Misura fékk langa sendingu inn fyrir vörn Víkinga, hristi Tómas Guðmundsson af sér og setti boltann framhjá Ingvari Þór Kale. Víkingar virtust slegnir næstu mínútur, en náðu fljótlega áttum og fóru að herja að marki gestanna. Óskar Pétursson, markvörður Grindvíkinga, varði vel frá Ívari Erni Jónssyni í dauðafæri á 16. mínútu og Tómas skallaði svo í slána úr hornspyrnunni sem á eftir fylgdi. Það var því í takt við gang leiksins þegar Víkingar jöfnuðu metin á 19. mínútu. Arnþór IngiKristinsson, sem var mjög líflegur í fyrri hálfleik, átti þá frábæra sendingu inn fyrir Grindavíkurvörnina, á Agnar Darra Sveinsson sem skoraði framhjá Óskari. Það gerðist ekki margt það sem eftir lifði fyrri hálfleiks. Liðin skiptust á að halda boltanum, en hvorugt þeirra gerði sig líklegt til að skora. Víkingar voru þó heldur sterkari, en Grindvíkingar voru vel inni í leiknum. Það sama var uppi á teningnum í byrjun seinni hálfleiks. Hvorugt liðið náði miklum takti í sitt spil og fyrir vikið var leikurinn nokkuð tættur, ef svo má að orði komast. Ingvar þurfti reyndar að taka á honum stóra sínum snemma í hálfleik þegar hann varði tvisvar í sömu sókninni frá Juraj Grizelj og Misura. Sá fyrrnefndi var grátlega nærri því að koma gestunum yfir á 72. mínútu þegar skot hans beint úr aukaspyrnu small í þverslá Víkingsmarksins. Víkingar hertu tökin eftir því sem á leið seinni hálfleikinn. Varamaðurinn Aron Elís Þrándarson hleypti lífi í sóknarleik sinna manna en Víkingar áttu þó í vandræðum með að skapa sér nógu góð færi. Grindvíkingar voru svo grátlega nærri því að tryggja sér sigurinn á síðustu þremur mínútum leiksins; fyrst þegar fyrirliðinn Jósef Kristinn Jósefsson átti skot í stöngina og svo þegar Alan Löwing, varnarmaður Víkinga, sparkaði boltanum yfir Ingvar, sinn eigin markvörð, en rétt framhjá stönginni. Staðan var því enn 1-1 þegar Erlendur Eiríksson flautaði til leiksloka. Víkingar komu sterkari til leiks í framlengingunni. Það var meiri hraði í spili þeirra og Grindvíkingar virkuðu þreyttir. Aron Elís fann meira pláss og Grindvíkingum tókst ekki að koma böndum á hann. Það þurfti hins vegar mark í hæsta gæðaflokki til að brjóta gestina frá Grindavík á bak aftur. Það skoraði Búlgarinn Todor Hristov með skoti beint úr aukaspyrnu þegar fimm mínútur voru liðnar af framlengingunni. Eftir það var mótspyrna gestanna á enda. Víkingar voru með heljartak á leiknum og bættu við tveimur mörkum áður en yfir lauk. Aron Elís skoraði þriðja markið á 108. mínútu eftir sendingu frá Pape Mamadou Faye og sá síðarnefndi skoraði svo úr vítaspyrnu þremur mínútum síðar og gulltryggði Víkingum farseðilinn í 16-liða úrslitin.Aron Elís:Vildum ekki fara í framlengingu "Við vildum ekki fara með þetta í framlengingu, það er klárt mál," sagði Aron Elís Þrándarson eftir sigur Víkings á Grindavík í 3. umferð Borgunarbikarsins. "Við töluðum um það fyrir leikinn að klára þetta á 90. mínútum, en það tókst ekki. Við náðum hins vegar að klára þetta í framlengingu," sagði Aron, en hvað var það sem skildi á milli í framlengingunni þar sem Víkingar skoruðu þrjú mörk og tryggðu sér sigurinn? "Ég veit það ekki alveg. Við náðum að setja markið snemma og þá þurftu þeir að færa sig framar og þá er það oft þannig að þér er refsað. Það er alltaf einhver munur á efstu deild og 1. deild, en Grindvíkingarnir voru flottir í dag og veittu okkur harða keppni. "Við áttum í erfiðleikum með þá í 1. deildinni í fyrra og rétt náðum að komast upp. Þeir sátu eftir með sárt ennið, svo það var vitað mál að þeir kæmu dýrvitlausir til leiks í dag." Aron byrjaði leikinn á bekknum, en kom inn á snemma í seinni hálfleik. Honum fannst auðvelt að komast í takt við leikinn. "Það getur verið erfitt að koma af bekknum, en það var ekki þannig í dag. Mér fannst ósköp þægilegt að koma inn á í kvöld og ég náði að leggja mitt af mörkum," sagði Aron að lokum. Íslenski boltinn Mest lesið Marlena vann Bakgarðshlaupið: „Ég hljóp bara“ Sport Sólveig keppti ólétt og á leið í þungunarrof Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Sér eftir að hafa valið Val fram yfir KR Íslenski boltinn Marlena er sigurvegari Bakgarðshlaupsins Sport Keane segir Arteta að taka lyfin sín Enski boltinn Refsing fyrir að blóta gæti flýtt fyrir því að Verstappen hætti Formúla 1 Clark slegin í augað í frumraun Körfubolti Fleiri fréttir Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Tveir varnarmenn KR meiddust á æfingu á Starhaga „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Sjá meira
Víkingur komst áfram í fjórðu umferð Borgunarbikarsins eftir 4-1 sigur á Grindavík í framlengdum leik á gervigrasvellinum í Laugardal í kvöld. Lokastaðan gefur ekki alveg rétta mynd af leiknum, en Grindvíkingar voru síst verri aðilinn lengst af leiks og voru nær því að skora sigurmarkið í venjulegum leiktíma. Heimamenn áttu hins vegar meira eftir á tankinum í framlengingunni og tryggðu sér sigurinn þar með þremur mörkum. Grindvíkingar tóku forystuna strax á 4. mínútu þegar Tomislav Misura fékk langa sendingu inn fyrir vörn Víkinga, hristi Tómas Guðmundsson af sér og setti boltann framhjá Ingvari Þór Kale. Víkingar virtust slegnir næstu mínútur, en náðu fljótlega áttum og fóru að herja að marki gestanna. Óskar Pétursson, markvörður Grindvíkinga, varði vel frá Ívari Erni Jónssyni í dauðafæri á 16. mínútu og Tómas skallaði svo í slána úr hornspyrnunni sem á eftir fylgdi. Það var því í takt við gang leiksins þegar Víkingar jöfnuðu metin á 19. mínútu. Arnþór IngiKristinsson, sem var mjög líflegur í fyrri hálfleik, átti þá frábæra sendingu inn fyrir Grindavíkurvörnina, á Agnar Darra Sveinsson sem skoraði framhjá Óskari. Það gerðist ekki margt það sem eftir lifði fyrri hálfleiks. Liðin skiptust á að halda boltanum, en hvorugt þeirra gerði sig líklegt til að skora. Víkingar voru þó heldur sterkari, en Grindvíkingar voru vel inni í leiknum. Það sama var uppi á teningnum í byrjun seinni hálfleiks. Hvorugt liðið náði miklum takti í sitt spil og fyrir vikið var leikurinn nokkuð tættur, ef svo má að orði komast. Ingvar þurfti reyndar að taka á honum stóra sínum snemma í hálfleik þegar hann varði tvisvar í sömu sókninni frá Juraj Grizelj og Misura. Sá fyrrnefndi var grátlega nærri því að koma gestunum yfir á 72. mínútu þegar skot hans beint úr aukaspyrnu small í þverslá Víkingsmarksins. Víkingar hertu tökin eftir því sem á leið seinni hálfleikinn. Varamaðurinn Aron Elís Þrándarson hleypti lífi í sóknarleik sinna manna en Víkingar áttu þó í vandræðum með að skapa sér nógu góð færi. Grindvíkingar voru svo grátlega nærri því að tryggja sér sigurinn á síðustu þremur mínútum leiksins; fyrst þegar fyrirliðinn Jósef Kristinn Jósefsson átti skot í stöngina og svo þegar Alan Löwing, varnarmaður Víkinga, sparkaði boltanum yfir Ingvar, sinn eigin markvörð, en rétt framhjá stönginni. Staðan var því enn 1-1 þegar Erlendur Eiríksson flautaði til leiksloka. Víkingar komu sterkari til leiks í framlengingunni. Það var meiri hraði í spili þeirra og Grindvíkingar virkuðu þreyttir. Aron Elís fann meira pláss og Grindvíkingum tókst ekki að koma böndum á hann. Það þurfti hins vegar mark í hæsta gæðaflokki til að brjóta gestina frá Grindavík á bak aftur. Það skoraði Búlgarinn Todor Hristov með skoti beint úr aukaspyrnu þegar fimm mínútur voru liðnar af framlengingunni. Eftir það var mótspyrna gestanna á enda. Víkingar voru með heljartak á leiknum og bættu við tveimur mörkum áður en yfir lauk. Aron Elís skoraði þriðja markið á 108. mínútu eftir sendingu frá Pape Mamadou Faye og sá síðarnefndi skoraði svo úr vítaspyrnu þremur mínútum síðar og gulltryggði Víkingum farseðilinn í 16-liða úrslitin.Aron Elís:Vildum ekki fara í framlengingu "Við vildum ekki fara með þetta í framlengingu, það er klárt mál," sagði Aron Elís Þrándarson eftir sigur Víkings á Grindavík í 3. umferð Borgunarbikarsins. "Við töluðum um það fyrir leikinn að klára þetta á 90. mínútum, en það tókst ekki. Við náðum hins vegar að klára þetta í framlengingu," sagði Aron, en hvað var það sem skildi á milli í framlengingunni þar sem Víkingar skoruðu þrjú mörk og tryggðu sér sigurinn? "Ég veit það ekki alveg. Við náðum að setja markið snemma og þá þurftu þeir að færa sig framar og þá er það oft þannig að þér er refsað. Það er alltaf einhver munur á efstu deild og 1. deild, en Grindvíkingarnir voru flottir í dag og veittu okkur harða keppni. "Við áttum í erfiðleikum með þá í 1. deildinni í fyrra og rétt náðum að komast upp. Þeir sátu eftir með sárt ennið, svo það var vitað mál að þeir kæmu dýrvitlausir til leiks í dag." Aron byrjaði leikinn á bekknum, en kom inn á snemma í seinni hálfleik. Honum fannst auðvelt að komast í takt við leikinn. "Það getur verið erfitt að koma af bekknum, en það var ekki þannig í dag. Mér fannst ósköp þægilegt að koma inn á í kvöld og ég náði að leggja mitt af mörkum," sagði Aron að lokum.
Íslenski boltinn Mest lesið Marlena vann Bakgarðshlaupið: „Ég hljóp bara“ Sport Sólveig keppti ólétt og á leið í þungunarrof Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Sér eftir að hafa valið Val fram yfir KR Íslenski boltinn Marlena er sigurvegari Bakgarðshlaupsins Sport Keane segir Arteta að taka lyfin sín Enski boltinn Refsing fyrir að blóta gæti flýtt fyrir því að Verstappen hætti Formúla 1 Clark slegin í augað í frumraun Körfubolti Fleiri fréttir Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Tveir varnarmenn KR meiddust á æfingu á Starhaga „Við fórum beint úr því að vera ömurlegir í frábærir“ „Það hlaut að koma að því“ Uppgjörið: KA bikarmeistari í fyrsta sinn Selfoss og KFA mætast í úrslitum „Er ekki bara kominn tími til að breyta þessu?“ „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Sjá meira