Fyrsta æfingin á Eurovision-sviðinu

Æfingar fyrir Eurovision-keppnina hófust klukkan sjö í morgun að dönskum tíma í Kaupmannahöfn. Fyrsta undankeppnin verður sýnd á þriðjudaginn, 6. maí, önnur undakeppnin fimmtudaginn 8. maí og úrslitakvöldið verður á laugardaginn 10. maí.

Aram MP3, fulltrúi Armeníu, var fyrstur á sviðið og æfði lag sitt Not Alone.

Því næst fóru fulltrúar Eistlands og Lettlands á sviðið sem er vægast sagt glæsilegt eins og sést í meðfylgjandi myndskeiðum.

Framlag Íslands, lagið Enga fordóma með hljómsveitinni Pollapönk, hljómar í fyrri undankeppninni á þriðjudagskvöldið í næstu viku en Pollapönkarar eru númer fimm í röðinni.