Benfica mætir Juventus í undanúrslitum

Juventus og Benfica mætast í undanúrslitum Evrópudeildarinnar en dregið var til undanúrslitanna í höfuðstöðvum UEFA í Nyon í Sviss í dag.

Úrslitaleikurinn fer fram á Juventus-vellinum í Tórínó 14. maí og fær Juventus því tækifæri til að spila úrslitaleikinn á heimavelli.

Benfica komst í úrslitaleikinn í fyrra en tapaði fyrir Chelsea sem er nú komið alla leið í undanúrslit Meistaradeildarinnar.

Í hinni undanúrslitaviðureigninni er spænskur slagur en þar mætast Sevilla og Valencia. Fyrri leikirnir fara fram 24. apríl og þeir síðari 1. maí.

Drátturinn:

Sevilla - Valencia

Benfica - Juventus