Ber að ofan í GQ

Game of Thrones-stjarnan Natalie Dormer er í viðtali við nýjasta hefti GQ og rífur sig meðal annars úr að ofan á einni mynd inní blaðinu.

Leikkonan segist elska að takast á við nýjar áskoranir.

„Ég elska að fara út fyrir þægindahringinn - ég lifi fyrir að fara út fyrir þægindahringinn. Auðvitað eru sum ár rólegri en önnur - maður er ekki alltaf að hoppa út úr flugvél á hverjum degi,“ segir Natalie.

Natalie er á mikilli uppleið í Hollywood og hefur leikið í myndum á borð við The Hunger Games: Mockingjay 1 og 2, Rush og The Counselor.