Avenged Sevenfold og Korn saman á túr

Rokksveitirnar Avenged Sevenfold og Korn eru á meðal þeirra sveita sem koma fram á Rockstar Energy Drink Mayhem Festival tónleikaferðalaginu sem hefst þann 5. júlí í San Bernardino í Kaliforníu.

Um er að ræða 26 tónleika ferðalag um Bandaríkin og stendur það til 8. ágúst en miðasala hefst 4. apríl.

Auk Avenged Sevenfold og Korn, koma fram rokksveitir á borð við Asking Alexandria, Trivium , Cannibal Corpse, Miss May I, ásamt metalsveit rapparans Ice T og ber hún nafnið Body Count.

Þetta er í sjöunda sinn sem Rockstar Energy Drink Mayhem Festival fer fram og á flestum tónleikunum ferðalagsins eru fjögur svið í gangi og um tuttugu hljómsveitir koma fram á hverjum tónleikum.