50 cent myndi aldrei vanvirða Eminem

„Það væri ekki hægt að rjúfa tenginguna á milli okkar Eminem. Ég myndi aldrei gera eða segja neitt til að vanvirða það sem hann hefur gert fyrir mig. Hann á stóran hlut í því hversu vel mér hefur gengið á ferlinum," segir 50 cent, en hann frumflutti nýtt efni á nýafstaðinni South by Southwest-hátíðinni í Austin, Texas.

Von er á nýrri plötu frá rapparanum í júní en hún heitir Animal Ambition. Til þess að fagna væntanlegri útgáfu gaf 50 út tvö myndbönd í gær, Hold on og Don't Worry Bout It.

Svo virðist sem 50 hafi í nægu að snúast um þessar mundir, en hann tilkynnti einnig í samtali við Huffington Post að hann ætli að gefa út plötuna Street King Immortal síðar á þessu ári.