Martin Fourcade varð þar með fyrstur til að vinna tvö einstaklingsgull á leikunum og jafnframt fyrsti Frakkinn til að vinna tvö Ólympíugull á sömu Vetrarólympíuleikum síðan að alpagreinamaðurinn Jean-Claude Killy vann þrjú gull á leikunum í Grenoble árið 1968.
Martin Fourcade byrjaði ekki vel í fyrstu grein leikana en vann glæsilegan sigur í 12,5 km eltigöngu sem fór fram á mánudaginn. Þetta eru þriðji Ólympíuverðlaun hans en hann vann silfur í 15 km göngu í Vancouver fyrir fjórum árum.
Fourcade klikkaði bara á einu skoti af 20 í keppninni í dag og varð 12,2 sekúndum á undan Þjóðverjanum Erik Lesser. Lesser klikkaði ekki á skoti en varð að sætta sig við silfrið.
Rússinn Evgeniy Garanichev hóf fyrstur keppni í dag og endaði á að vinna bronsið. Norðmaðurinn Ole Einer Björndalen klikkaði aftur á tækifærinu á að verða eini íþróttamaðurinn með 13 verðlaun á Vetrarólympíuleikum en hann endaði í 34. sæti.
![](https://www.visir.is/i/0895F4F46C0C4D1FA4B3CF31E6CE3392B4623211F0EE18226012B573B9228C6C_713x0.jpg)
![](https://www.visir.is/i/A83D128FEE158D2749F62BC4C88C9C6D8559B62B4E1BBB23EEC1CDFDA5C16D2C_713x0.jpg)
![](https://www.visir.is/i/F26A2883D2B7E568907BB88C86C1AFDF797B329B33A278C30F3FE44675604DC8_713x0.jpg)
![](https://www.visir.is/i/6672160E9C4892D9CC9B96AD25CE5894265DCE9D6A8CF77896C61887E45B5AC2_713x0.jpg)
![](https://www.visir.is/i/0341632AC273688D93D20BC1ED1EDD59AEC8BEBC5CE6AB8BC17C69130DE2EB69_713x0.jpg)