Hæfileikaríkur fiðluspilari slær í gegn

Í myndskeiði sem fylgir fréttinni má sjá fiðluleikarann David Wong setja lagið Burn, sem Elle Goulding gerði frægt, í nýjan búning. Myndbandið hefur vakið mikla athygli, enda þykir hæfni Wongs á fiðluna til stakrar prýði.

Elle Goulding var uppgötvuð í hæfileikakeppni í heimabæ sínum Kington í Herefordskíri. Þegar hún stundaði leiklistarnám við háskólann í Canterbury kynntist hún upptökustjórunum Frankmusik og Starsmith sem sérhæfa sig í danstónlist og í framhaldinu vakti hún töluverða athygli á Myspace.

Goulding, sem er 22 ára, blandar saman órafmagnaðri þjóðlagatónlist og nútímapoppi með áhugaverðum árangri, og er ef til vill hvað þekktust fyrir smellinn Burn.