Tvöföld plata frá Dimmu

Hljómsveitin Dimma hefur sent frá sér tvöföldu plötuna Myrkraverk í Hörpu á geisla- og mynddiski.

Í tilkynningu frá sveitinni segir að þetta sé í fyrsta sinn sem íslensk þungarokkssveit gefur út slíka plötu.

Á plötunni er upptaka frá útgáfutónleikum Dimmu frá því fyrr í vetur, þar sem sveitin lék fyrir fullum sal í Norðurljósum í Hörpu. Þar var platan Myrkraverk flutt í heild sinni, ásamt lögum af plötunum Dimma og Stigmata.

Dimma fagnar útgáfunni með tónleikum á Græna hattinum á Akureyri í kvöld.